Gujarati News

Gujarati News

News of Tuesday, 13th August 2019

નવાગામના ભાનુબેન કોળી અને પુત્રી શિલ્પા પર બેડલામાં કુટુંબીજનોનો હુમલો

અગાઉના ઝઘડાને કારણે ગામ છોડ્યું છેઃ કપડા લેવા જતાં બે ભત્રીજા, ભત્રીજાવહૂ અને જેઠાણીએ ધબધબાટી બોલાવી

રાજકોટ તા. ૧૩: નવાગામમાં રહેતાં કોળી માતા-પુત્રી તેના મુળ વતન બેડલામાં  ભત્રીજાઓ, ભત્રીજા વહુ અને જેઠાણીએ લાકડીથી હુમલો કરી ઢીકા-પાટુનો માર મારતાં બંનેને સારવાર માટે દાખલ કરવામાં આવી છે.

નવાગામ છપ્પનીયા કવાર્ટરમાં રહેતાં ભાનુબેન બાબુભાઇ સોરાણી (ઉ.૪૫) તથા પુત્રી શિલ્પા બાબુભાઇ સોરાણી (ઉ.૨૫) બેડલા ગામે જતાં ત્યાં રહેતાં ભાનુબેનના ભત્રીજા વિજય ભનાભાઇ સોરાણી, રાજુ ભનાભાઇ, જેઠાણી મંજુબેન ભનાભાઇ તથા ભત્રીજા વહુ ભાવુ વિજયએ માર માર્યો હતો.

કુવાડવા રોડ પોલીસ મથકના ડી. કે. ડાંગરે ભાનુબેનની ફરિયાદ પરથી ચારેય સામે ગુનો નોંધ્યો હતો. ભાનુબેનના કહેવા મુજબ તેને જેઠના દિકરા વિજય સાથે ખેતરમાં પાણી વાળવા બાબતે બે મહિના પહેલા ઝઘડો થયો હોઇ હાલમાં પોતે ગામ છોડી પરિવાર સાથે નવાગામ રહેવા આવી ગયા છે. ગઇકાલે પોતે અને પુત્રી શિલ્પા સાતમ-આઠમનો તહેવાર આવતો હોઇ પોતાના બેડલા ગામના મકાને કપડા લેવા ગયા હતાં અને ઘરમાં સાફસફાઇ કરતાં હતાં ત્યારે ભત્રીજો, ભત્રીજાવહૂ, જેઠાણી અને બીજા ભત્રીજાએ આવી અગાઉના ઝઘડાનો ખાર રાખી ડેલી પાસે આવી જોર-જોરથી બોલી ગાળાગાળી કરતાં ગાળો બોલવાની ના પાડતાં બધાએ મળી હુમલો કર્યો હતો.

દેકારો થતાં ગામના ભીખુભાઇ ગોવાણી, ગોબરભાઇ સહિતના આવી જતાં છોડાવ્યા હતાં. મા-દિકરી બંનેને ઇજાઓ થઇ હોઇ લોહી નીકળવા માંડતાં ૧૦૮ બોલાવી રાજકોટ દાખલ થયા હતાં.

(11:47 am IST)
  • નિતિન ગડકરી સાથેના વિમાનને રન-વે ઉપરથી પાછું વાળ્યું: નાગપુરથી દિલ્હી જતી ઇન્ડિગો ૬ઇ ૬૩૬ નંબરની ફલાઇટ નાગપુરના રન-વે ઉપરથી પાછી વાળી લેવામાં આવેલ હતી. કોઇ ટેકનીકલ ક્ષતિ સર્જાયાનું કહેવાય છે. આ ફલાઇટમાં કેન્દ્રીય મંત્રી શ્રી નિતિન ગડકરી સહિત તમામ મુસાફરોને સહી સલામત ઉતારી લેવામાં આવેલ access_time 11:23 am IST

  • રાજકોટ મ્યુ.કોર્પોરેશનનાં જનરલ બોર્ડનો પ્રારંભઃ પ્રિ-મોન્સુન કામગીરી પ્રશ્ને તડાપીટ: ભાજપના ૧૪ અને કોંગ્રેસના ૧૩ કોર્પોરેટરો દ્વારા કુલ ૬૩ પ્રશ્નો રજૂઃ પ્રથમ ભાજપનાં મનીષ રાડીયાનાં પ્રશ્નથી ચર્ચા શરૂ: મવડી બ્રિજ, સાધુ વાસવાણી રોડની લાયબ્રેરીનાં નામકરણ સહિતની ૮ દરખાસ્તો અંગે નિર્ણય access_time 11:21 am IST

  • અરબી સમુદ્રમાં ૪ બોટો ડૂબી ગઈ : અન્ય ૨ બોટનો પત્તો નથી કોસ્ટગાર્ડે ૧૪ બોટો સહિત ૬૩ માછીમારોને બચાવી લીધાઃ તાજેતરના વરસાદી તાંડવ અને સમુદ્રના તોફાની પવનોના પગલે અરબી સમુદ્રમાં ૪ બોટો ડૂબી જતા ૬ માછીમારોના મોત થયા છે. જયારે અન્ય ૨ બોો લાપતા હોય ૯ માછીમારો અંગે ભારે ચિંતા સેવાઈ રહી છે. દરમિયાન ભારતીય કોસ્ટગાર્ડે ૧૪ બોટો સહિત ૬૩ માછીમારોને બચાવી લીધા છે access_time 11:24 am IST