Gujarati News

Gujarati News

News of Wednesday, 15th May 2019

ગિરનારમાંથી ચંદન વૃક્ષ કટીંગમાં કટની વિસ્તારની શંકાસ્પદ મહિલાઓની પૂછતાછ

૧૨ મહિલાઓ પાસેથી મળેલા ૧૦ મોબાઇલના આધારે તપાસ

જૂનાગઢ તા. ૧૫ : ગિરનાર જંગલમાંથી ચંદન વૃક્ષ કટીંગ પ્રકરણમાં વન વિભાગે કટની વિસ્તારની ૧૨ શંકાસ્પદ મહિલાઓની પૂછપરછ હાથ ધરી છે.

ગિરનાર જંગલની દક્ષિણ ડુંગર રેન્જના જંગલમાંથી ચંદનના વૃક્ષોનું કટીંગ થવાની ઘટના પ્રકાશમાં આવતા ગઇકાલે જૂનાગઢના દોલતપરામાં બંધ મીલના કમ્પાઉન્ડમાં રહેતી ૧૨ શંકાસ્પદ મહિલાઓને ૧૮ જેટલા બાળકો સાથે વન વિભાગે રાઉન્ડ અપ કર્યા હતા.

આ પ્રકરણમાં આરએફઓ ભગીરથસિંહ ઝાલાએ અકિલા સાથેની ટેલીફોનીક વાતચીતમાં જણાવેલ કે, રાઉન્ડ અપ કરાયેલી મહિલાઓ મધ્યપ્રદેશના કટની વિસ્તારની છે. તેમના દંગામાંથી ચંદનના લાકડાના કેટલાક છોડીયા મળી આવેલ અને મહિલાઓ પાસેથી ૧૦ જેટલા મોબાઇલ ફોન કબ્જે લેવામાં આવેલ છે.

શ્રી ઝાલાએ વધુમાં જણાવેલ કે, હાલ મોબાઇલ ફોનની કોલ ડીટેઇલ કઢાવવાની તજવીજ શરૂ કરાઇ છે અને તમામ મહિલાઓની સઘન પૂછપરછ કરવામાં આવી રહી છે.

આ મહિલાઓ ચંદનના લાકડાની તસ્કર ટોળકી સાથે સંડોવાયેલ હોવાની આશંકાના આધારે તમામની પૂછપરછ હાથ ધરવામાં આવેલ છે.

(1:18 pm IST)
  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST

  • ગોંડલના ચરખડી પાસે આકાશ જીનીંગ મીલમાં ભભૂકી : આગની ઘટનાની જાણ થતા ગોંડલ-જેતપુરના ફાયરબ્રિગેડ ઘટના સ્થળે પહોંચ્યા :જીનીંગ મીલમાં પડેલા કપાસના જથ્થામાં આગ ભભૂકી ઉઠવાનું કારણ અકબંધ: access_time 8:59 pm IST