Gujarati News

Gujarati News

News of Wednesday, 15th May 2019

જામનગરમાં રાષ્ટ્રીય સ્વયંસેવક સંઘની ગુરુદતાત્રેય પ્રભાત શાખાનો વાર્ષિકોત્સવ ઉજવાયો

રાષ્ટ્રીય સ્વયંસેવક સંઘની વર્ષોથી કાર્યરત ગુરુ દતાત્રેય પ્રભાતશાખા દ્વારા વર્ષભર શાખા લગાવી વિચારોની આપલે અને અંગ કસરતના દાવો સાથોસાથ સેવાકીય કાર્યો હાથ ધરવામાં આવે છે આ પ્રભાત શાખાના વાર્ષિકોત્સવ ગુરુ દાતાત્રેય મંદિર સામેના મેદાનમાં યોજવામાં આવ્યો હતો વૈશાખ શુકલ અષ્ટમી યુગાબ્દ ૫૧૨૧ રાષ્ટ્રીય દિનાંક ૨૨ વૈશાખને રવિવારે યોજાયેલા આ કાર્યક્રમમાં મોટી સંખ્યામાં વિસ્તારના લોકો હજાર રહ્યા હતા મુખ્ય વકતા તરીકે કવિ સતિષભાઇ વ્યાસ દ્વારા સાંપ્રત સમયમાં રાષ્ટ્રીય સ્વયંસેવક સંઘની ભૂમિકા વિષે વિસ્તૃત છણાવટ કરી હતી અને રાષ્ટ્ર નિર્માણમાં રાષ્ટ્રીય સ્વયંસેવક સંઘના યોગદાન વિષે ચર્ચા કરી હતી જયારે કાર્યક્રમમાં બૌધ્ધિક વકતા ગિરીશભાઈ બુધ્ધદેવ દ્વારા સંઘની સેવાકીય પ્રવૃતિઓ મોરબીની મચ્છુ હોનારત, કચ્છનો ભૂકંપ વિગેરે આપતી સમયે સંઘએ કરેલી સેવાકીય કાર્યવાહી વિષે અને સંઘના સ્વયંસેવક તરીકેની જવાબદારીઓ અંગે રજૂ કરી હતી. કાર્યક્રમમાં અન્ય પ્રાસંગિક પ્રવચનો શાખા કાર્યવાહક અજયસિંહ જાડેજા તથા ઉપનગર કાર્યવાહક સિધ્ધાર્થભાઈ શેઠ દ્વારા કરવામાં આવ્યા હતા સેવાકીય કાર્યમાં અગ્રેસર ગુરુદતાત્રેય પ્રભાત શાખા દ્વારા વાર્ષિકોત્સવના કાર્ય સમયે પણ સેવાકર્યા હાથ ધરવામાં આવ્યું હતું જેમાં વિસ્તારના લોકો પાસેથી સંઘના સ્વયંસેવકો પાસેથી પસ્તી એકત્ર કરી પક્ષીઓ માટે પાણીનાકુંડા વિતરણ કરવામાં આવ્યું હતું જેમાં રાષ્ટ્રીય સ્વયંસેવક સંઘના પીઢ આગેવાન ભાનુભાઇ પટેલ, મધુભાઈ રાવલ, સુરેન્દ્રભાઈ વ્યાસ અને ભૂપેન્દ્રભાઈ જાની, વ્રજલાલભાઈ પાઠક સહિતના સ્વયંસેવકો હાજર રહ્યા હતા.

(1:18 pm IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • અલાસ્કામાં બે વિમાનો દુર્ઘટનાગ્રસ્તઃ ૧૦ લોકો લાપતા : અમેરિકાના અલાસ્કામાં બે વિમાનો દુર્ઘટનાગ્રસ્ત થતાં ૧૦ લોકો લાપતા થયા છે : બે વિમાનમાં કુલ ૧૬ લોકો સવાર હતા : મીડીયા રિપોર્ટ અનુસાર દક્ષિણ પૂર્વ અલાસ્કાના કેટચિકાન નજીક અમેરીકી તટગાર્ડે બચાવ અભિયાન શરૂ કર્યુ છે access_time 1:12 pm IST

  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST