Gujarati News

Gujarati News

News of Wednesday, 15th May 2019

ગારીયાધાર જનસેવા કેન્દ્રમાં લોકોને સુવિધાને બદલે દુવિધાનો અનુભવઃ લોકો પરેશાન

અધિકારીઓ પાસે આવતા લોકોનાં પ્રશ્નને ઉકેલવાને બદલે ઉડાઉ જવાબો મળે છે

ગારીયાધાર તા. ૧પ :.. ગારીયાધાર મામલતદાર કચેરી હેઠળ આવતી જન સેવા કેન્દ્રની કામગીરી અને કેન્દ્રના અધિકારી દ્વારા આપવામાં આવતી હાલાકીથી સમગ્ર તાલુકાના વિદ્યાર્થીઓ, વાલીઓ અને પ્રજાજનો માટે આ કેન્દ્ર દુવિધા આપતું કેન્દ્ર બન્યું છે.

આ કેન્દ્ર પણ આવતા અરજદારો ક્રિમીનલ, નોન ક્રિમીનલ દાખલાઓ, આવકના દાખલાઓ અને જાતિના દાખલાઓ સંબંધીત કામગીરી માટે આવતા લોકો સાથે કેન્દ્રના અધિકારી દ્વારા સરકારના પરિપત્રો વિરૂધ્ધ ડોકયુમેન્ટો માંગવામાં આવે છે.

સોગંદનામું કરીને આવતા અરજદારોને કેન્દ્રો પર મોટે મોટેથી ત્રણ-ત્રણ વખત 'ખોટુ કરૂ તો ભગવાન પુછે' જેવી બુમો પડાવવામાં આવે છે.

ધમધખતા તાપમાં આવતા અરજદારોને સવારથી સાંજ સુધી વગર કામે મોડુ કરીને હેરાન કરવામાં આવે છે.

આ કેન્દ્રના અધિકારી દ્વારા વિદ્યાર્થી પાસેથી જેટલી સ્કુલો છોડવામાં આવી છે તેટલી સ્કુલોના આચાર્યના શાળા છોડયાના પ્રમાણપત્રો પણ ડોકયુમેન્ટ તરીકે મગાવવામાં આવે છે જે બાબતે આ અધિકારીની ફરીયાદો અનેક વખત કરવા છતાં કોઇપણ અધિકારી સમસ્યાના નિવારણ માટે કોઇ પગલા કે કાર્યવાહી કરવામાં આવતી નથી.

જયારે કચેરીના કેટલાક કર્મચારી દ્વારા જણાવાયું હતું કે જનસેવા કેન્દ્રના અધિકારીને પોતાની બદલી કરાવવા માટે લોકોને હેરાન કરાય છે. આવી કામગીરીથી પ્રશ્નો ઉભા થાય અને કેન્દ્રના અધિકારીની બદલી થાય છે. આવી હેરાનગતી રહેવા છતાં નેતાઓ દ્વારા પણ આવા લોકો સામે આંખ આડા કાન કરવામાં આવતા હોવાથી લોકો મુશ્કેલી વેઠી રહ્યા છે.

આવા અધિકારીઓ સામે જીલ્લાના ઉચ્ચ અધિકારીઓ દ્વારા કોઇ સખ્ત પગલાં લેવામાં આવે તે જરૂરી બન્યું છે.

(11:25 am IST)
  • જમ્મુ કાશ્મીરના પૂંછ સેક્ટરમાં એલઓસી નજીક બ્લાસ્ટ ;એક આર્મી જવાન ઘાયલ access_time 1:22 am IST

  • ચૂંટણી પંચની આકરી કાર્યવાહી બાદ મમતા બેનર્જી ધુંવાફુંવા :કહ્યું પીએમ નરેન્દ્રભાઈ મોદીને હટાવો;દેશ બહાર કાઢી મુકો :કોલકતામાં થયેલી હિંસાના વિરોધમાં પદયાત્રા કર્યા બાદ મમતાએ કહ્યું કે મોદીએ મારા બંગાળ અને બંગાળીયતનું અપમાન કર્યું :મમતાએ એવો પણ આરોપ લગાવ્યો કે અમિતભાઇ શાહના રોડ શોમાં 15 થી 20 કરોડનો ખર્ચ થયો access_time 1:18 am IST

  • અલાસ્કામાં બે વિમાનો દુર્ઘટનાગ્રસ્તઃ ૧૦ લોકો લાપતા : અમેરિકાના અલાસ્કામાં બે વિમાનો દુર્ઘટનાગ્રસ્ત થતાં ૧૦ લોકો લાપતા થયા છે : બે વિમાનમાં કુલ ૧૬ લોકો સવાર હતા : મીડીયા રિપોર્ટ અનુસાર દક્ષિણ પૂર્વ અલાસ્કાના કેટચિકાન નજીક અમેરીકી તટગાર્ડે બચાવ અભિયાન શરૂ કર્યુ છે access_time 1:12 pm IST