Gujarati News

Gujarati News

News of Wednesday, 15th May 2019

કોટડાસાંગાણીના કોટડા જુથના સંપમાથી કેબલની ચોરી થતા વીસ ગામોને નર્મદા નીર મળતા બંધ

તંત્રની મહેનત પર પાણી ફેરવતા ચોર

કોટડાસાંગાણી, તા.૧પઃ કોટડાસાંગાણી નજીકના નર્મદા સંપના કેબલની ચોરી થતા તાલુકાના ૨૦ ગામના લોકોને નર્મદાનીર મળતા બંધ થયા છે.

એક તરફ ગત વર્ષમા કોટડાસાંગાણીમા ઓછા વરસાદથી ઉનાળામાં પાણીના ધાંધીયા શરૂ થયા છે. આ વિસ્તારના બોર અને કુવાઓના જળ સ્તર નીચા જતા રહેવાથી પાણી ડુકિ ગયા છે જેના કારણે આ વીસ્તારના લોકો ફકત નર્મદાના નીર પરજ નીર્ભર થયા છે તેથી તંત્ર પણ રાત દિવસ એક કરી નર્મદા નીર પુરતા પ્રમાણ મળી રહે તે માટે દોડાદોડી કરી રહ્યુ છે ત્યારેજ ચોરટાઓએ તંત્રની બાજી ઉંધી પાડી હતી. તાજેતરમાં જ કોટડાસાંગાણીમા પાણી પુરવઠાના બોરનો બસો ફુટના કેબલની ચોરી થયા બાદ કોટડાસાંગાણીના નારણકા ચોકડી નજીક આવેલ કોટડા જુથના સંપમા ૬નો કેબલ ૪૫ મીટર કિંમત ૫૦૪૦ અને ૧૬નો કેબલ ૪૫મીટર કિંમત ૧૩૧૮૫ મળી ૧૮૨૨૫ના કેબલની ચોરી થતા ફરી વખત ૨૦ ગામના લોકોને નર્મદા નીર મળવાનુ બંધ થતા ભારે દેકારો બોલી ગયો છે. એક તરફ કાળજાળ ઉનાળા લોકોને પાણીની તાતી જરૂરિયાત રહે છે તો બીજી તરફ નર્મદા નીર મળવાનુ બંધ થતા મહીલાઓને પાણી માટે ઠેર ઠેર રજળપાટ કરવાનો વારો આવ્યો છે હાલ તો જવાબદાર તંત્ર દ્રારા આ મામલે પોલીસને જાણ કરી છે.તંત્ર દ્રારા તાકિદે કેબલ ફિટ કરાવી નર્મદા નીર આપવાનુ શરૂ કરવામાં આવે તે જરૂરી બન્યુ છે.(

(11:24 am IST)
  • મમતા બેનર્જીએ કહ્યું ભગવા પહેરેલ ગુંડાઓએ જે હિંસા કરી એ બાબરી મસ્જિદ તોડી પાડવા જેવી હતી :અમિતભાઇ શાહના રોડ શો દરમિયાન હિંસા બાદ ચૂંટણી આયોગે કરેલ કાર્યવાહી અંગે મમતાએ કહ્યું કે ભાજપના ઈશારે ચૂંટણી આયોગે નિર્ણંય કર્યો :આ નિર્ણંય ચૂંટણી અયોગનો નહીં પરંતુ મોદી અને શાહે લીધો ;ચૂંટણી અયોગનો નિર્ણંય ગેરબંધારણીય છે access_time 1:23 am IST

  • ઈશ્વરચંદ્ર વિદ્યાસાગરના પૂતળાના ભાંગી ગયેલ ટૂકડાઓ સાથે પ.બંગાળના મુખ્યમંત્રી મમતા બેનર્જી નજરે પડી રહ્યા છેઃતેઓ આજે વિદ્યાસાગર કોલેજે આ ટૂકડાઓ સાથે ગયા હતા access_time 3:36 pm IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST