Gujarati News

Gujarati News

News of Thursday, 6th December 2018

બગસરાના સુડાવડની સીમમાંથી બાળકને દિપડો ઉઠાવી ગયા બાદ મજુરોએ વતનની વાટ પકડી

બગસરા તા. ૫ : બગસરા તાલુકાના સુડાવડ ગામે કાલે વહેલી સવારે માનવભક્ષી દીપડો અશ્વિનભાઈ બચુભાઈ ખેતરમાં કામ કરી રહેલા ખેત મજુર પ્રભુભાઈ ભાગોરાનો પુત્ર મેહુલ ઉમર વર્ષ ૨ ને ઉપાડીને ખેતરમાં નાસી છૂટયો હતો.

આ બાબતે પ્રભુભાઈના જણાવ્યા અનુસાર તેઓ વહેલી સવારે પાંચ વાગ્યા આસપાસ ઊઠીને ખેતરમાં કામ કરી રહ્યા હતા ત્યારે તેમની પત્નીઙ્ગ બાળક સાથે ચૂલા પાસે કામ કરી રહ્યા હતા ત્યારે નજીકમાં રમી રહેલા તેના બાળકને સામેથી અચાનક આવેલા દીપડાએ ગળાના ભાગેથી પકડી લીધો હતો અને તેને લઈને અંધારામાં ખેતરમાં નાસી છૂટયો હતો પછીથી એની પાછળ દોડવા છતાં તે કયાંય નજરે ન ચઢતા પ્રભુભાઈ દ્વારા ખેતરના માલિકને ફોન કરી જાણ કરી હતી જેમણે ત્યાં પહોંચીને ગામના સરપંચ ને તમામ બાબતોથી માહિતગાર કરતા સરપંચ એ આ બાબતે વનવિભાગને ફોન કરી સમગ્ર બનાવનીઙ્ગ જાણ કરી હતી. મોડી સાંજ સુધી પ્રયત્ન કરવા છતાં નાના બાળક કે દીપડાના કોઈ વિગત મળી શકી ન હતી.ઙ્ગ આ બનાવને પગલે સીમમાં રહી કામ કરતા મજૂરો માં ફફડાટ ફેલાયો છે. તેમજ આ દિપડાને પકડી લેવા માંગ કરવામાં આવી છે. સુડાવડના સરપંચ ચતુરભાઈના જણાવ્યા અનુસાર માનવભક્ષી દીપડાની આ ઘટના બાદ સીમ માં ભગિયું રાખીઙ્ગ કામ કરતા મજૂરોએ પોતાના વતનમાં પરત ફરવાની તૈયારીઓ શરૂ કરી દીધી છે. જો તાત્કાલિક આ દીપડાને પકડવા માં નહીં આવે તો ખેતરોમાંથી મજુરો જતા રહેવાના છે જેથી તાત્કાલિક પીંજરાની વ્યવસ્થા કરી આ દીપડાને કાબુ કરવો જરૂરી છે.(૨૧.૧૪)

(12:36 pm IST)