Gujarati News

જૂનાગઢના વંથલી તાલુકાના કોયલી ગામ નજીકથી 21 એક્સ્પ્લોઝિવ ડીટોનેટર સાથે એક વ્યક્તિને ઝડપી પાડવામાં આવ્યો હતો. રેન્જ આઇજીને બાતમી મળતા આર.આર.સેલ અને એસ.ઓ.જી ઘટનાસ્થળે તપાસ કરવાના આદેશ આપ્યા હતા.

 પોલીસ દ્વારા ઘટના સ્થળે તપાસ કરતા કોયલી ગામના પુલ નજીક અવાવરું જગ્યામાંથી ડિટોનેટર મળી આવ્યા હતા.

એક્સ્પ્લોઝિવ ડિટોનેટર મુકવા પાછળનું કારણ પ્રાથમિક તપાસમાં કોઈ અંગત અદાવતનો બદલો લેવા ષડ્યંત્ર રચવામાં આવ્યું હોવાનું સૂત્રો દ્વારા જાણવા મળ્યું છે

 . પોલીસના જણાવ્યા મુજબ એક્સ્પ્લોઝિવ ડીટોનેટર ઘાતક નથી. તેમાં કોઈ બેટરી કે વિસ્ફોટ કરવા માટેના અન્ય કોઈ પદાર્થ જોવા મળ્યા નથી. જેથી કોઈ મોટુ ષડયંત્ર હોવાનું જણાતું નથી.