Gujarati News

Gujarati News

News of Friday, 9th November 2018

ભાઈબીજે માધવપુરના દરિયામાં સ્નાન કરવા મોટી સંખ્યામાં શ્રદ્ધાળુઓ ઉમટયા

માધવપુર: પોરબંદર જિલ્લાના માધવપુર (ઘેડ) ખાતે ભાઈબીજના દિવસે સ્નાન કરવાનું અનેરૂં મહત્વ રહેલું છે ત્યારે આ દિવસે હજ્જારો શ્રદ્ધાળુઓ માધવપુરના દરિયામાં સ્નાન કરવા ઉમટયા હતા

  માધવપુર (ઘેડ) ખાતે ભાઈબીજના દિવસે માધવપુરના સમુદ્રમાં સ્નાન કરવાનું મહત્વ રહેલું છે. મથુરામાં જે રીતે લોકોમાં સ્નાન કરવા જાય છે અને સ્નાન કરવાથી પુણ્યની પ્રાપ્તિ થાય છે તેવી જ રીતે માધવપુરના દરિયામાં સ્નાન કરવાથી પુણ્ય મળે છે. માધવપુરનો બીચ સોમનાથ-દ્વારકા નેશનલ હાઈવે પર આવેલો છે. બારેમાસ માધવપુરના બીચ ખાતે પ્રવાસીઓ ઉમટી પડયા હતા માધવપુરમાં ભગવાન કૃષ્ણ અને રૂક્ષ્મણીજીના વિવાહ થયા હતા.

  માધવરાયજીનું મંદિર પણ અનેરૂં મહત્વ ધરાવે છે. લોકવાયકા મુજબ માધવપુરના સમુદ્રમાં ભાઈ-બીજના પવિત્ર દિવસે યમુના નદીની પધરામણી થતી હોય છે. માધવપુરનો દરિયો યમુના ઘાટ જેટલું મહત્વ ધરાવે છે. આથી ભાઈ-બીજના પવિત્ર તહેવારને લઈને માધવપુરના દરિયામાં હજ્જારો લોકો સ્નાન કરે છે

(3:34 pm IST)
  • નોઈડામાં સિલિન્ડર ફાટ્યું : એકનું મોત : નોઈડા સેક્ટર 22 ચોળા ગામના આરડી પબ્લિક સ્કૂલ આપશે એક મકાનમાં ગેસના બે સિલિન્ડર ફાટવાથી મકાનમાં આગ ભભૂકી : આગનું વિકરાળ સ્વરૂપ ધારણ કર્યું :રામકુમાર ગુર્જરના મકાનમાં આગ ભભુકતા ભાડુઆતના રૂમમાં સિલિન્ડર ફાટ્યું : દુર્ઘટનામાં એકનું મોત નીપજયું : ફાયર બ્રિગેડ અને પોલીસ ઘટના સ્થળે પહોંચી access_time 11:28 pm IST

  • મૂહૂર્તના સોદાઃ સંવત 2075ના પ્રથમ દિવસે રોકાણકારોની સંપત્તિમાં 1.17 લાખ કરોડનો વધારો : હિન્દુ સંવત વર્ષ 2074માં સેન્સેક્સમાં 2,407.56 પોઈન્ટ (7 ટકા)નો ઉછાળો : મૂહૂર્તના સોદા માટે BSE અને NSE સાંજે એક કલાક સુધી ખુલ્યા: માત્ર એક કલાકના મૂહૂર્ત સેશનમાં BSEમાં માર્કેટ કેપિટલાઈઝેશનમાં ર1,17,731.11 કરોડ વધ્યું :1,41,70,545.23 કરોડ પર પહોંચી ગયું :મંગળવારે જ્યારે શેરબજાર બંધ થયું ત્યારે BSEની કૂલ બજાર મૂડી.1,40,52,814.12 કરોડ પર બંધ રહ્યું હતું. access_time 11:52 pm IST

  • વડોદરાના સીમાડે આવેલ નંદેસરી જી.આઈ.ડી.સી આગ ભભૂકી : નંદેસરી ખાતે આવેલ પાનોલી ઇન્ટરમીડિયેટ પ્રાઇવેટ કંપનીમાં લાગી આગ:વિકરાળ આગને પગલે વાતાવરણમાં ધુમાડાના ગોટા ઉડ્યા:આગ લાગવાનું કોઈ કારણ હજી અકબંધ :ફાયર ફાઈટર ઘટના સ્થળે access_time 11:44 pm IST