Gujarati News

Gujarati News

News of Thursday, 8th November 2018

જૂનાગઢમાં આવતીકાલે ૯ નવે.ના રોજ સ્વાતંત્ર્ય દિન ઉજવાશેઃ ૧૫ ઓગ.ના રોજ ભારત દેશને સ્વતંત્રતા મળ્યાના ૮૫ દિવસ બાદ જૂનાગઢ શહેર આઝાદ થયું હતું

જૂનાગઢઃ મહાનગરપાલિકા દ્વારા આવતીકાલ ૯ નવે.ના રોજ આઝાદી દિવસ ઉજવાશે. આમ તો ભારતનો સ્વાતંત્ર્ય દિન ૧૫ ઓગ.છે. પરંતુ જૂનાગઢ શહેર ૮૫ દિવસ મોડુ આઝાદ થયું હતું તેથી આ શહેરમાં ૧૫ ઓગ. ઉપરાંત ૯ નવે.નો દિવસ પણ સ્વાતંત્ર્ય દિન તરીકે ઉજવાય છે. આ દિવસે મનપાના બિલ્ડીંગને શણગાર કરાશે.

જયારે તા.૯નાં સવારે ૯ વાગ્યે બહાઉદીન કોલેજ ગ્રાઉન્ડ ખાતે વિજયસ્તંભનું પૂજન થશે. તેમજ રાત્રે કોલેજ ગ્રાઉન્ડમાં આતશબાજીનો કાર્યક્રમ યોજાશે.

અત્રે નોંધનીય છે કે, સમગ્ર જિલ્લો ૯મી નવે.ના આઝાદ થયો હતો. પરંતુ ૯મી નવે.ના માત્ર જૂનાગઢ મનપા દ્વારા જ ઉજવણી થાય છે. અન્ય વિભાગો તેમાં સામેલ થતાં નથી.

(11:49 am IST)
  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST

  • મધ્યપ્રદેશ વિધાનસભા ચૂંટણી : કોંગ્રેસે 29 ઉમેદવારોની ચોથી યાદી જાહેર કરી:રાજ્યના મુખ્યમંત્રી શિવરાજ સિંહ સામે કોંગ્રેસે તેમના સાળા સંજય સિંહને વારાસવની સીટ પરથી મેદાનમાં ઉતાર્યા : નવા ચહેરા સિદ્ધાર્થ લાડા(36)ને શિવપુરી વિધાનસભા બેઠક પરથી ટિકિટ: મધ્યપ્રદેશના મંત્રી અને પૂર્વ ગ્વાલિયર રાજઘરાણાના વંશજ યશોધરા રાજે સિંધિયા(ભાજપ) સાથે મુકાબલો થશે access_time 11:52 pm IST

  • શિવસેનાએ કહ્યું પેટાચૂંટણીમાં ભાજપની હાર કોંગ્રેસ માટે 'અચ્છે દિન 'ના સંકેત :શિવસેનાએ એમ પણ કહ્યું કે દેશમાં થયેલ લોકસભા અને વિધાનસભા પેટાચૂંટણીમાં ભાજપની હારથી કોંગ્રેસમાં એક નવો જીવ આવશે :મુંબઈ અને કર્ણાટકની પેટાચૂંટણીમાં પોતાના જ સાથી પક્ષના પરાજય પર શિવસેનાએ વાક્બાણ છોડ્યા હતા access_time 12:59 am IST