Gujarati News

જામખંભાળિયામાં મામલતદાર સિંઘમ સ્ટાઇલ અપનાવી પાંચ ગામના તલાટી સામે વોરંટ ઇસ્યુ કરાવ્યા છે તલાટીને બે દિવસમાં રેકોર્ડ જમા કરાવવા કારણદર્શક નોટિસ આપી હતી પરંતુ બે દિવસ બાદ પણ રેકોર્ડ જમા ન થતા આખરે પીએસઆઇને ધરપકડ વોરંટ ઇશ્યુ કરવા હુકમ કરવામાં આવ્યો છે. વોરંટ ઇસ્યુ કરતા જ તમામ તલાટીઓ મામલતદાર સમક્ષ હાજર થઇ ગયા હતા. તલાટીઓના મતે તમામ રેકોર્ડ રજૂ કરવા છતાં ખોટી કાર્યવાહી કરાઇ છે. મામલતદારે ભાણ ખોખરી, માંઝા મોટા આંબલા, મોવાણ, આંબરડી ગામના તલાટીઓ સામે વોરંટ ઇશ્યુ કર્યા હતા.

   મળતી માહિતી પ્રમાણે દેવભૂમિ દ્વારકા જીલ્લાના જામખંભાળિયા તાલુકાના ૫ તલાટી કમ મંત્રીઓને ૬ નંબરના રેકર્ડ રજુ નહીં કરતા મામલતદાર દ્વારા ધરપકડ વોરંટ ઈશ્યુ કરી જેલમાં ધકેલવા આદેશ કરાયો છે જેના પગલે તલાટી કમ મંત્રીઓમાં હોબાળો મચી ગયો છે. આ આદેશના પગલે તાબળતોબ ૪ તલાટી કમ મંત્રીઓ યુનિયનના હોદેદાર સાથે મામલતદાર સમક્ષહાજર થયા છે. અને રેકર્ડ જમા કરવવા અંગે સ્પષ્ટતા કરી છે.

કોણ અને ક્યાં ગામના છે. તલાટી કમ મંત્રી
મોટા આંબલા- કૃષ્ણ સિંહ જાડેજા
મોવાણ-વિજય મકવાણા
આંબરડી-એન.પી.ચેતરિયા
ભાણ ખોખરી- દીપકભાઈ અંજારા
માંઝા-વી.એન.ગોદિયા