Gujarati News

Gujarati News

News of Monday, 4th June 2018

કર્ણાટકનો બાળક સુરેન્દ્રનગર આવ્યા બાદ ભુલથી પશ્ચિમ બંગાળ પહોંચેલઃ સીઆઇડીએ બાળકને શોધી પરિવાર સાથે મિલન કરાવ્યું

સીઆઇડી ફકત કૌભાંડકારોને જ શોધવાનું કાર્ય કરતી નથી, માનવતાવાદી કાર્ય પણ કરે છે

રાજકોટ, તા., ૪: સજાના સ્થાન તરીકે  રાજય પોલીસ તંત્રમાં વગોવાયેલી સીઆઇડી (ક્રાઇમ) ને ખરા અર્થમાં તેના નામને શોભે તે રીતે તમામ સ્ટાફને તાલિમથી સુસજ્જ કરી પ્રથમ વખત હિન્દી ફિલ્મોની સીઆઇડી અને સીઆઇડી સિરીયલ કરતા ચઢીયાતી કામગીરી આશિષ ભાટીયાના આગમન બાદ શરૂ થઇ હોય તેમ બીટ કોઇન્સ માંડી રાજયભરના અનેક કૌભાંડો ઉપરથી પડદો ઉઠી રહયો છે.

આવી કામગીરીને કારણે લોકો તારીફ કરતા કહેતા હોય છે કે સીઆઇડી પાસે ગમે તેવી તપાસ આવે અને ગમે તેવી અટપટી હોય પણ સીઆઇડી આવા કૌભાંડીયાઓને ખુલ્લા પાડયા વગર રહે નહિ.

સતત પોલીસ તંત્રનું વાતાવરણ ગુન્હેગારો સાથે અને મોટી માયાઓ સાથે સતત રહેવાના કારણે સીઆઇડી સ્ટાફના દિલ પણ પથ્થરના થઇ ગયા હશે તેવુ માની રહેવુ ભુલ ભરેલું છે. તાજેતરમાં કર્ણાટકનો એક બાળક કે જે સુરેન્દ્રનગર આવેલ તે છુટ્ટો પડી ગયો.

આ બાળક ભુલથી પશ્ચિમ બંગાળ જતી ટ્રેનમાં ચઢી ગયો. રેલ્વે પોલીસને આ બાબતે ફરીયાદ થઇ આ બાબતની જાણ સીઆઇડી વડાને થતા તેઓએ દેશભરના આવા બાળકોને જયાં સાચવવામાં આવે છે તેવા બાળગૃહમાં તપાસ કરાવતા એક બાળ ગૃહમાંથી પત્તો મળ્યો અને આમ પશ્ચિમ બંગાળના બાળગૃહ મારફત કર્ણાટક પોલીસ અને કર્ણાટક પોલીસ કંટ્રોલ મારફત મા-બાપનો પત્તો લગાડી પશ્ચિમ બંગાળના બાળ ગૃહ સાથે સંપર્ક કરાવતા બાળક અને પરિવારનું સુઃખદ મિલન થયું. આમ આવા માનવતાવાદી કાર્યમાં પણ સીઆઇડી નિમિત બની છે.

(4:08 pm IST)