Gujarati News

Gujarati News

News of Monday, 4th June 2018

ઇરાનની જેલમાં બંધ છે કચ્છનો નાવિક, છોડાવવા પત્નીએ માંગી રૂપાલાની મદદ

સરકારની માગી મદદ : રમજાનમાં છૂટી જવાનો હતો કેદી

અમદાવાદ તા. ૪ : ઇરાનની જેલમાં બંધ એક ગુજરાતી ખલાસીને એવડો મોટો દંડ ફટકારવામાં આવ્યો કે હવે તેમના પરિવારે સરકારની મદદ માગી છે. કચ્છના નાવિક ઉમર સલહ મોહમ્મદ થાઇમ છેલ્લા ૪ વર્ષથી ઈરાનની જેલમાં બંધ છે. હવે તેમની પત્નીએ કેન્દ્રીય કૃષિપ્રધાન પુરુષોત્તમ રૂપાલાની મદદ માગી છે. થાઈમને છોડવા માટે ઈરાનિયન આઙ્ખથોરિટીએ ૫૮.૭૮ લાખનો દંડ ફટકાર્યો. જો કે થાઇમના પરિવારનું કહેવું છે કે કમાતી એકમાત્ર વ્યકિત જેલમાં બંધ હોવાથી આટલી મોટી રકમ તેઓ ચૂકવી શકે તેમ નથી.

ત્યારે પવિત્ર મહિના રમજાન દરમિયાન થાઈમને છોડાવવા માટે તેમના પત્ની નુરજાન અને ભાઇ નુરમોહમ્મદે રૂપાલાની મદદ માગી છે. દંડની માગણી કરતો ઈરાનિયન આઙ્ખથોરિટીના બે પત્ર પણ રૂપાલાને મોકલવામાં આવ્યા છે. ઉલ્લેખનીય છે કે ઈરાને થાઇમને ગેરકાયદેસર રીતે ઘૂસણખોરી અને ઓઈલની દાણચોરી કરવાનો આરોપી બનાવ્યો છે.

પરષોત્તમ રૂપાલાને મોકલેલા પત્રમાં લખ્યું છે કે, 'તગડો દંડ અમે ભરી શકીએ તેમ નથી, તેથી અમે તમને અને તમારી સરકારને વિનંતી કરીએ છીએ કે મહેરબાની કરીને ઈરાનની જેલને દયા દાખવી દંડ માફી આપવાની ભલામણ કરો.' ૨૦૧૪માં થાઇમની બોટ જપ્ત કરી લેવામાં આવી હતી અને તેની સાથે અન્ય ૧૪ ક્રૂ મેમ્બરની પણ ધરપકડ કરી લેવામાં આવી હતી. થાઇમના પરિજનોનું કહેવું છે કે દુબઈથી યેમેન જતી વખતે ભારે પવનોના કારણે થાઇમની બોટ 'સફિના અલ શેના' ઈરાનની દરિયાઈ સરહદમાં ઘૂસી ગઈ હતી.

રમજાન દરમિયાન મૂળ માંડવીના રહેતા ૪૭ વર્ષના થાઇમ મિનાબ જેલમાંથી છૂટી જવાના હતા. પરંતુ તેનો નાનો ભાઈ ઇબ્રાહિમ તપાસ કરવા જયારે ઈરાન ગયો કે તેનો મોટોભાઈ કયારે છૂટશે, ત્યારે ઈરાનિયન ઓથોરિટી દ્વારા તેને ૯૭ લાખ રૂપિયાનો દંડ ભરવા માટે કહ્યું હતું, પણ ૪ વર્ષ સુધી જેલમાં મજૂરીકામ કરી હોવાનું ધ્યાનમાં રાખી દંડની રકમ ઘટાડીને ૫૮.૭૮ રૂપિયા કરી દીધી છે.(૨૧.૧૨)

(12:01 pm IST)
  • મુંબઇના આતંકવાદી હુમલાના માસ્ટરમાઇન્ડ હાફિઝ સઇદ, નું સંગઠન જમાત-ઉદ-દાવા 25 જુલાઈથી પાકિસ્તાનમાં સામાન્ય ચૂંટણીમાં અલ્લાહ-હૂ-અકબર તેહરીક દ્વારા લડશે. આ ગ્રૂપે મિલી મુસ્લિમ લીગ (એમએમએલ) ની એક રાજકીય પાર્ટી તરીકે સભ્યપદ મેળવ્યું નથી, આવી સંસ્થાના એક વરિષ્ઠ સભ્યએ આ માહિતી આપી હતી. access_time 2:47 am IST

  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST