Gujarati News

Gujarati News

News of Monday, 4th June 2018

પાલીતાણા ભાજપનાં ધારાસભ્ય ભીમાભાઇ બારૈયાના ખાતામાંથી કોઇ બે લાખ ઉપાડી ગયુ !

ભાવનગર, તા. ૪ :  ભાવનગર જીલ્લાનાં પાલીતાણાનાં ભાજપનાં ધારાસભ્યના બેન્ક એકાઉન્ટમાંથી કોઇ ગઠીયા એ રૂ. ર લાખ ઉપાડી લીધાની પોલીસ ફરીયાદ નોંધાઇ છે.

મળતી વિગતો મુજબ પાલીતાણાનાં ભાજપનાં ધારાસભ્ય ભીમાભાઇ બારૈયાના  પુત્ર અરૂણભાઇ બારૈયાએ પાલીતાણા ટાઉન પોલીસમાં ફરીયાદ નોંધાવી છે કે પાલીતાણાની તળેટી રોડ ઉપર આવેલ એસ.વી.આઇ. બ્રાન્ચમાં તેમનાં પિતા ભીમાભાઇનું ખાતુ છે જેમાંથી ગત તા. ર૮-પ થી ૧-૬ દરમ્યાન કોઇ ગઠીયા એ રૂ. ર લાખ પાંચ હજાર ઉપાડી લીધા છે. આ બનાવ અંગે પોલીસે ગુન્હો નોંધી તપાસ હાથ ધરી  છે.

ગ્રામ પંચાયતનાં  સભ્યનાં ઘેર ચોરી

સિહોર તાલુકામાં સર ગામે રહેતા અને ગ્રામ પંચાયતનાં સદસ્યા જનકબા વિરેન્દ્રસિંહ ગોહિલનાં ઘરનાં પાછળના ભાગે આવેલ બારી તોડી તસ્કરોએ અંદર પ્રવેશી સોનાના દાગીના અને રોકડ ર૦ હજાર મળી કુલ રૂ. ૬૦ હજારની મતાની ચોરી કરી તસ્કરો નાસી છુટ્યા હતા આ અંગે સિંહોર પોલીસ સ્ટેશનનાં ફરીયાદ નોંધાવતા પોલીસે ગુન્હો નોંધી તપાસ હાથ ધરી છે. (૯.ર)

(12:00 pm IST)
  • હવે પંજાબ નેશનલ બેંક અને ICICIના ગ્રાહકોને પણ લોન પર વધુ વ્યાજ ચૂકવવુ પડશે કેમ કે, એસબીઆઈ બાદ હવે પંજાબ નેશનલ બેંક અને આઈસીઆઈસીઆઈએ પણ પોતાના વ્યાજદરોમાં વધરો કરી દીધો છે. આઈસીઆઈસીઆઈએ 5 વર્ષ માટે પોતાના લેંડિંગ રેટને 10 બેઝિઝ પોઈન્ટ્સ વધારતા 8.70 ટકા કરવાનો નિર્ણય લીધો છે. જો કે લોન 3 મહિના માટે હશે તો વ્યાજદરમાં ફેર નહિ પડે. access_time 12:22 am IST

  • બીટકોઈન તોડકાંડ :જીજ્ઞેશ મોરડીયા પાસેથી વધુ 30 લાખ રોકડ રિકવર કરવામાં આવ્યા :કુલ 503 બીટકોઈનને રોકડમાં ફેરવી નાખી હતી અત્યાર સુધી સીઆઇડી ક્રાઇમે 5 કરોડ રિકવર કર્યા :ત્રણેય આરોપીની પૂછપરછ ચાલુ access_time 12:36 am IST

  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST