Gujarati News

Gujarati News

News of Monday, 4th June 2018

ધોરાજીના રોઝદાર મુસ્લિમ શખ્સનું ટ્રક અકસ્માતે મૃત્યુ

ધોરાજી તા. ૪ :.. એક તરફ પવિત્ર રમઝાન માસ ચાલી રહ્યો છે અને લોકો ખુદાની ઇબાદત માટે રોજાઓ રાખી રહ્યા છે. ત્યારે બહારપુરા વિસ્તારમાં રહેતા વાહીદભાઇ આહમદ ચૌહાણ ઉ.૪૬ પોતે રોજાઓ રાખેલ અને કામ સબબ જામકંડોરણાથી પરત આવતા હોય ત્યારે વેગડી જીઆઇડીસી પાસે ટ્રકે હડફેટે લેતા ટ્રકના વ્હીલમાં આવી જતા વાહીદભાઇનું ઘટના સ્થળે કરૂણ મોત થયેલ હતું.

પવિત્ર રમાઝન માસમાં અવસાન થતાં મુસ્લીમ સમાજમાં ઘેરા શોકની લાગણી ફેલાય હતી. મરણ જનારને ૩ પુત્રો હતાં. પોતે મેળામાં ફજર ફારકાનું કામ કરતા હતાં.

મરણ જનારની ડેડ બોડી ધોરાજી સરકારી દવાખાના લાવાતા મુસ્લીમ સમાજના લોકો દોડી આવેલ હતાં.

આ બનાવ અંગે ધોરાજીના પીએસઆઇ પી. જે. બાંટવા તપાસ ચલાવી રહેલ છે. (પ-૧૧)

(11:59 am IST)
  • બોલિવૂડ એક્ટ્રેસ બિપાશા બસુને શ્વાસ લેવામાં તકલીફને કારણે મુંબઈની એક હોસ્પિટલમાં એડમિટ કરવામાં આવી છે. એક્ટ્રેસને શ્વાસ લેવામાં તકલીફ થઈ રહી હતી તેથી તેને તાત્કાલિક હોસ્પિટલમાં દાખલ કરવામાં આવી હોવાનું જાણવા મળી રહ્યું છે. access_time 2:48 am IST

  • બીટકોઈન તોડકાંડ :જીજ્ઞેશ મોરડીયા પાસેથી વધુ 30 લાખ રોકડ રિકવર કરવામાં આવ્યા :કુલ 503 બીટકોઈનને રોકડમાં ફેરવી નાખી હતી અત્યાર સુધી સીઆઇડી ક્રાઇમે 5 કરોડ રિકવર કર્યા :ત્રણેય આરોપીની પૂછપરછ ચાલુ access_time 12:36 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST