Gujarati News

Gujarati News

News of Monday, 4th June 2018

ભદ્રેશ મહેતાના બેન્ક કોભાંડનો રેલો કચ્છ સુધીઃ ICICI, HDFC, દેના બેન્કે કચ્છની બંજર જમીનો ઉપર કરોડો આપ્યા

અને મુંબઇની શાખાઓ એ કચ્છમાં કઇ રીતે ધિરાણ કર્યુ? બેન્કીંગ સીસ્ટમ સામે સવાલો

ભુજ તા.૪: અમદાવાદ સીઆઇડી ક્રાઇમ અને એટીએસ દ્વારા ભદ્રેશ મહેતાની ધરપકડ કરાયા બાદ તેના એક પછીએક લોન કોૈભાંડો ખુલી રહયા છે. ભદ્રેશ મહેતા એ પુછપરછમાં અબડાસા તાલુકા અને ભુજ તાલુકાની ખેતીની જમીન ઉપર લીધેલી લોનનો આંકડો ૫ થી ૭ હજાર કરોડને આંબે એટલો અધધ છે. જેમાં ICICI,HDFC, અને દેનાબેંકની લોનનો સમાવેશ થાય છે.

ભદ્રેશ મહેતાના તાર એવા જોરદાર ગોઠવાયેલા હતા કે ડીસા અને મુંબઇની મોટી બેન્કોએ સ્થાનિક કચ્છની શાખાઓ પાસેથી ખરાઇ કરાવ્યા વગર જ કરોડો રૂપિયા ની લોન બંજર જમીન ઉપર આપી દીધી હતી. જયાં સામાન્ય માનવીને લોન મેળવવા ના ફાંફા હોય ત્યાં કરોડો રૂપિયાનું ધિરાણ એક જ વ્યકિતની કંપનીને બેન્કો સાંઠગાંઠ વગર કઇ રીતે આપી શકે?

હવે ભદ્રેશ મહેતા તેની પત્ની હીના મહેતા અને પુત્ર પાર્થ તેમજ તેમની કંપની ભદ્રેશ ટ્રેડીંગ કોર્પોરેશન ની સામે બેન્ક કોૈભાંડ ની થઇ રહેલી તપાસ નો રેલો હવે કચ્છ સુધી પહોંચે તેવી પુરી શકયતા છે.

(11:53 am IST)
  • કચ્છ ;કંડલા CISFએ કંડલા જેટી નજીકથી એક શંકાસ્પદ શખ્શની 11 સીમકાર્ડ સાથે ધરપકડ કરી :વધુ તપાસ માટે કંડલા મરીન પોલીસના હવાલે કરાયો access_time 12:48 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST

  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST