Gujarati News

Gujarati News

News of Monday, 4th June 2018

યમનમાં વાવાઝોડામાં ફસાયેલા સલાયાના ૩૭ ખલાસીઓને બચાવાયા

ભારતીય નેવી દ્વારા ઓપરેશનઃ વાવાઝોડુ સિકોતર ટાપુ ઉપર

ભુજ-જામનગરઃ યમનના વાવાઝોડામા ફસાયેલા સલાયાના ૩૮ ખલાસીઓને બચાવીને વતનમા લઇ જવા તજવીજ હાથ ધરાઇ હતી. (અહેવાલઃ મુકુંદ બદિયાણી, વિનોદ ગાલા,કિંજલ કારસરીયા-જામનગર-ભુજ)

ભુજ-જામનગર તા.૪: યમન નજીક ‘‘મેકુનુ'' વાવાઝોડુ ત્રાટક્‍યા બાદ સૌરાષ્‍ટ્ર-કચ્‍છના ખલાસીઓ શીપ સાથે ફસાયા હતા તેઓને ભારતીય નેવી દ્વારા બચાવી લઇને વતન લાવવા તજવીજ હાથ ધરાઇ છે

યમન નજીક આવેલા સિકોતર બંદર ઉપર ઇન્‍ડિયન નેવીનુ પી.૫૭ શિપ પહોંચ્‍યુ હતુ અને જામનગરના સલાયાના ૩૮ ખલાસીઓને બચાવી લેવાયા હતા.

દસ દિવસ પહેલા અખાતી દેશના દરિયામાં ત્રાટકેલા અને યમનના અખાતમાં કાળોકેર વરસાવનાર વાવાઝોડામાં સૌરાષ્‍ટ્ર કચ્‍છના ખલાસીઓ અટવાયા હતા.

કચ્‍છી વહાણવટી એસોએશનના પૂર્વ પ્રમુખ કાસમ જાફરાબાદીએ આ વાવાઝોડા સંદર્ભે આપેલી માહિતી અનુસાર યમનના દરિયામાં ૮ જેટલા વહાણોએ જળ સમાધિ લીધી હતી જે સૌરાષ્‍ટ્ર-કચ્‍છના હતા. આ વાવાઝોડામાં અટવાયેલા ખલાસીઓ માટે કાસમ જાફરાબાદીએ ઇમેઇલ મારફત વિદેશ મંત્રાલયને રજુઆત કરતા ભારતીય નેવીએ યમનના સિકોતર ટાપુ ઉપર આશ્રય લેનાર ૩૭ ખલાસીઓને બચાવીને વતનમાં લઇ આવવાની કામગીરી હાથ ધરી છે.

જે અનુસાર આ ખલાસીઓ ચારેક દિવસમાં પોરબંદર ઉતરશે. આ ૩૭ ખલાસીઓ વેરાવળ, પોરબંદર, જામસલાયા અને માંડવીનો છે  જો કે ૭ થી ૮ ખલાસીઓએ તોફાનમાં જીવ ગુમાવ્‍યા છે. કચ્‍છી વહાણવટી એસોસીએશને વિદેશ મંત્રી સુષ્‍મા સ્‍વરાજનો આભાર માન્‍યો છે.

(11:39 am IST)
  • બોલિવૂડ એક્ટ્રેસ બિપાશા બસુને શ્વાસ લેવામાં તકલીફને કારણે મુંબઈની એક હોસ્પિટલમાં એડમિટ કરવામાં આવી છે. એક્ટ્રેસને શ્વાસ લેવામાં તકલીફ થઈ રહી હતી તેથી તેને તાત્કાલિક હોસ્પિટલમાં દાખલ કરવામાં આવી હોવાનું જાણવા મળી રહ્યું છે. access_time 2:48 am IST

  • પેટ્રોલમાં કીટરે 14 પૈસા અને ડીઝલમાં 12 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 77,18 રૂપિયા અને ડીઝલનો ભાવ લિટરે 74,08 રૂપિયા થશે :રાજ્ય પ્રમાણે કરવેરા અલગ થશે:છેલ્લા ચાર દિવસથી થતા ઘટાડામાં આ સૌથી વધુ ઘટાડો છે access_time 2:18 am IST

  • કેન્દ્રીય માહિતી પંચ (CIC)એ વડાપ્રધાન કાર્યાલય અને વિદેશ મંત્રાલયને કોહિનૂર હીરો, મહારાજા રણજીતસિંહનું સોનાનું સિંહાસન, શાહજહાનું હરિતાશ્મનો દારૂનો પ્યાલો અને ટીપૂ સુલ્તાનની તલવાર જેવી પ્રાચીન વસ્તુઓ સ્વદેશ પરત લાવવા માટે સરકારનાં પ્રયાસોનો ખુલાસો કરવા માટેનાં નિર્દેશ આપ્યા છે. આ તમામ પ્રાચીન વસ્તુઓ ભારતનો વૈભવી ઇતિહાસનું પ્રતિક છે અને લોકકથાઓનો હિસ્સો છે અને તે અંગ્રેજ સરકાર અને આક્રમણકર્તાઓ દ્વારા લૂંટીને લઇ જવામાં આવ્યા હતા. ત્યાર બાદ હાલ તે વિશ્વનાં અલગ અલગ સંગ્રહાલયોની શોભા વધારી રહ્યા છે. access_time 2:48 am IST