Gujarati News

Gujarati News

News of Monday, 4th June 2018

ચોટીલા પોલીસ સ્ટેશનમાં યોજાયેલ લોકદરબારમાં ટ્રાફિક સહિત પ્રશ્નો રજૂ

ચોટીલા તા. ૪ : પોલીસ સ્ટેશન ખાતે એસપીનાં ઇન્સ્પેકશન દરમ્યાન યોજાયેલ લોક દરબારમાં લોકોએ અનેક મુશ્કેલી અંગે રજુઆત કરી પોલીસને કડક કાર્યવાહી કરવા રજુઆત કરાતા અધિકારી દ્વારા સમયાંતરે કડક થવાની ખાતરી આપવામાં આવેલ હતી.

એસપી દિપક કુમાર મેઘાણી, ડીવાયએસપી પ્રદીપસિંહ જાડેજા, પીઆઇ પી.ડી.પરમાર ની ઉપસ્થિતિમાં લોક દરબાર યોજવામાં આવેલ જેમા સ્થાનિક રાજકિય, સામાજિક આગેવાનો સાથે વેપારી અગ્રણીઓ હાજર રહેલ હતાઙ્ગ

પોલીસવડાને શહેરમાં લાયસન્સ વગરનાં બાઇક સવારો ઉપર કાયદાનો દંડો ઉગામવા તેમજ આણંદપુર રોડ, થાનરોડ ઉપર લારીધારકોનાં દબાણને કારણે સર્જાયેલી ટ્રાફિક સમસ્યા નિવારણ સાથે વેકેશન ખુલે પછી શાળાઓ તરફ જવાના રસ્તાઓ ઉપર જામતા રોમીયોગીરીનાં અડીંગા સામે લાલા આંખ કરવા અને શહેરનાં મુખ્ય ટાવરચોકમાં સીસીટીવી કેમેરા મુકાવા માટે તેમજ ઝુપડામાં ચાલતા દેશી દારૂનાં વેપાર ઉપર તવાઇ લાવવાની સાથે વધતા ચોરીનાં બનાવો સામે હોમગાર્ડ, જીઆરડી, પોલીસનો નાઇટ બંદોબસ્ત વધારવા માટેની રજુઆતો કરવામાં આવેલ હતી.

પોલીસ વડાએ તમામ પ્રશ્ર્ને ધટતુ કરાશે તેવી ખાતરી આપતા જણાવેલ કે સમયાંતરે એન્ટિ રોમીયો સ્કવોડ ખાનગીમાં આવશે અને શાળાઓ તરફનાં અડીંગાઓ કરનારાને સબક આપશે ટ્રાફિક અને વાહાન વ્યવહાર સમસ્યા સ્થાનિક પોલીસ દવારા ઉકેલવામાં આવશે અને સીસીટીવી માટે લોક ભાગીદારી થકી વધુ કેમેરા ગોઠવવા કામગીરી કરવા સુચન કરેલ હતા.(૨૧.૪)

(9:31 am IST)
  • ભારતીય મહિલા ક્રિકેટ ટીમે રવિવારે એશિયા કપમાં જીત સાથે શરૂઆત કરી છે. મલેશિયા વિરૂદ્ધ પોતાની પહેલી મેચમાં મિતાલી રાજે 97 રનની અણનમ ઈનિંગની મદદથી ભારતીય ટીમે મલેશિયાને 142 રનથી માત આપી છે. ટાર્ગેટનો પીછો કરવા માટે ઉતરેલ મલેશિયાની ટીમની બેટિંગ લાઈન પત્તાના મહેલની જેમ તૂટી પડી હતી. ટીમનો એકપણ ખેલાડી બે આંકડાના સ્કોર સુધી પહોંચી શક્યો નહતો. બોલરોના શાનદાર પ્રદર્શનથી મલેશિયાની ટીમને માત્ર 27 રન પર ઓલઆઉટ કરી દિધી હતી. access_time 2:48 am IST

  • જમ્મુ કશ્મીરઃ શોપીયામાં આતંકીઓએ ગ્રેનેડ ફેકી પોલીસ પર કર્યો હુમલો છેલ્લા ૪ દિવસમાં ૧૦ ગ્રેનેડ હુમલામાં ૧ મહિલાનું મોત ૫ લોકો ઘાયલ access_time 3:56 pm IST

  • મુંબઈમાં મુશળધાર વરસાદ :બદલાપૂર,ડોમ્બિવલી,વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST