Gujarati News

મોરબીના ઉંચી માંડલ ગામે તલાટી મંત્રીને દારૂ પીધેલી હાલતમાં આવીને ધમકીઓ અપાતા તેમજ ફરજમાં રૂકાવટ ઉભી કરી હોય પોલીસે ગુન્હો નોંધી આરોપીની અટકાયત કરી વધુ તપાસ હાથ ધરી છે .

  મળતી વિગત મુજબ મોરબીના કેનાલ રોડ પરના રહેવાસી ડેનીશ નારણભાઈ ઝાલરિયાએ તાલુકા મથકમાં ફરિયાદ નોંધાવી છે કે ગત તા. ૧૩ ના રોજ તે ઉંચી માંડલ ગ્રામ પંચાયત કચેરીમાં તલાટી મંત્રી તરીકે ફરજ પર હોય ત્યારે આરોપી નવીન ભાણા નામનો શખ્શ દારૂ પીધેલી હાલતમાં આવ્યો હોય જેને પોતાની આકરણી વિગતો જોવા જણાવતા ત્યારે તલાટી મંત્રીએ તેણે બહાર બેસવાનું કહેતા ઉશ્કેરાઈ ગયો હોય જેને રૂબરૂ અને બાદમાં તેણે ફોન પર ગાળો આપી જાનથી મારી નાખવાની ધમકી આપી તેમજ ફરજમાં રૂકાવટ પેદા કરી છે.