Gujarati News

Gujarati News

News of Saturday, 13th January 2018

જસદણમાં સ્વામી વિવેકાનંદ જન્મ જયંતિ નિમિતે બહેનોનો ખેલ મહોત્સવ યોજાયો

સ્વામી વિવેકાનંદ જન્મ જયંતિ નિમિતે જસદણમાં આદર્શ ગૃપ દ્વારા ભગિની નિવેદિતાનો ૧પ૦મી જન્મ જયંતિ નિમિતે બહેનો માટે ખેલ મહોત્સવ યોજાયેલ તે પ્રસંગની તસ્વીરમાં ઉપસ્થિત આગેવાનો તથા બીજી તસ્વીરમાં સાયકલ સ્પર્ધામાં યોજાયેલ બહેનો નજરે પડે છે.

જસદણ તા. ૧૩: સ્વામી વિવેકાનંદ જયંતીના પાવન અવસર પર આદર્શ ગૃપ જસદણ દ્વારા ભગિની નિવેદિતાનો ૧પ૦મી જન્મ જયંતીના ઉપક્રમે બહેનો માટે ખેલ મહોત્સવનું આયોજન કરવામાં આવેલ.

જેમાં ખો-ખો દોડ અને સ્લો સાયકલીંગ જેવી રમતોમાં જસદણ શહેરની વિવિધ શાળામાંથી ધો. ૯ થી ૧ર ની વિદ્યાર્થીની બહેનોએ ખુબજ ઉત્સાહ પૂર્વક ભાગ લઇ ખેલ મહોત્સવને સફળ બનાવેલ હતો.

વિવિધ રમતોમાં રાજય અને નેશનલ કક્ષાએ સિધ્ધિઓ મેળવનાર સિનિયર સિટીઝન એવા લાલભાઇ સરધારાએ સમગ્ર ખેલ મહોત્સવ દરમ્યાન હાજર રહી ખેલાડીઓનો ઉત્સાહ વધારેલ હતો.

જસદણ નગર પાલીકાના પ્રમુખ રમાબેન મકવાણા એ ભાગ લેનાર દરેક ખેલાડીને પ્રોત્સાહીત કરેલ. મોક્ષધામ સમિતિના સભ્યો તેમજ માન સેવા સમિતિના શ્રી સંજયભાઇ વિરોજા ખેલ મહોત્સવમાં ઉપસ્થિત રહેલ હતા.

ખેલ મહોત્સવમાં વિજેતા ખેલાડીઓને આદર્શ ગૃપ દ્વારા મેડલ અને ટ્રોફીથી એનાયત કરવામાં આવેલ હતી.

(12:05 pm IST)
  • ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનએ હૈદરાબાદ ક્રિકેટ એસોસિએશન (HCA) સામે મોટા આક્ષેપો કર્યા છે. અહેવાલો અનુસાર, અઝહરૂદ્દીને આક્ષેપ કર્યો છે કે હૈદરાબાદ ક્રિકેટ એસોસિએશનના કેટલાક સભ્યો તેમને HCA પ્રમુખની ચુંટણીમાં ભાગ લેવાથી રોકવા માંગે છે. access_time 1:19 pm IST

  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST