Gujarati News

Gujarati News

News of Saturday, 13th January 2018

બાબરામાં જીર્ણ થયેલી સરકારી ઈમારતો જમીનદોસ્ત કરવી જરૂરી

બાબરાઃ સરકારી કચેરી કમ્પાઉન્ડની લગોલગ ઉભેલી અને ભુતરડે ભેંકાર જેવી સ્થિતિ નિર્માણ પામેલી ઈમારતો જમીનદોસ્ત કરવાની તાતી જરૂરીયાત વર્તવા પામી છે. બાબરા મામલતદાર કચેરી અને જૂના પોલીસ મથકની લગોલગ ખંઢેર હાલતમાં ઉભેલી મામલતદાર કચેરી કર્મચારી કવાર્ટરવાળી મિલ્કત અતિ જીર્ણ થયેલી હાલતમાં અને સંપૂર્ણ દરવાજા, રૂમ ખુલ્લી હાલતમાં હોવાથી અસામાજીક પ્રવૃતિ કરનારાની અવરજવરની શંકા ઉપજાવી રહી છે. જૂના પોલીસ કવાટર તેમજ મામલતદાર કચેરી સ્ટાફ કવાટર રાજકોટ રોડ ઉપર આવેલ આર. એન્ડ બી. સંકુલ કવાટર તથા તાલુકા પંચાયત કર્મચારી કવાટર વરસોથી અવાવરૂ જગ્યા તરીકે પડતર પડયા છે. તસ્વીરમાં ખખડધજ થઈ ગયેલી સરકારી કચેરીના મકાન નજરે પડે છે.

(11:56 am IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:41 pm IST