Gujarati News

Gujarati News

News of Saturday, 13th January 2018

કોડીનારના ટ્રાફીકથી ધમધમતા શિંગોડા પુલની વચ્ચોવચ ગાબડા પડતા અકસ્માતનો ભય

કોડીનાર તા.૧૩ : કોડીનાર બાયપાસના ટ્રાફીકથી અતિ ધમધમતા રોડ ઉપર આવેલ શિંગોડા પુલની વચ્ચોવચ મસમોટા ખાડા પડતા અકસ્માત સર્જવાનો ભય ઉભો થયો છે.

કોડીનારના વેરાવળ-ઉના બાયપાસ રોડ પરિવહન માટેનો મુખ્ય માર્ગ છે. આ રોડ ઉપરથી જ દિવ અને સાસણ ગીર જેવા પર્યટન સ્થળો અને જીલ્લા કેન્દ્ર, વેરાવળ જવાનો મુખ્ય રોડ હોય અને આ રોડ ઉપર આવેલ શિંગોડા નદીના પુલ ઉપર ઘણા સમયથી પુલની વચ્ચોવચ મસમોટા ખાડા-ગાબડા પડી ગયા હોવાના કારણે અકસ્માત સર્જવાનો ભય ઉભો થયો છે.

આ ખાડાઓના કારણે વાહન ચાલકોને ભારે મુશ્કેલીનો સામનો કરવો પડી રહ્યો છે. શિંગોડા પુલની ઉંચાઇ વધારે હોય, જો આ ખાડાઓના કારણે ન કરે નારાયણને અકસ્માત સર્જાય તો ભારે ખુવારી થવાનો અંદેશો છે ત્યારે આ રોડ ઉપર કોઇ ગમખ્વાર અકસ્માત સર્જાય તે પહેલા તંત્ર દ્વારા પુલની મરમતની કામગીરી હાથ ધરાઇ તેવી વાહન ચાલકોની માંગણી છે.

(9:47 am IST)
  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • અમિતભાઈ બે દિવસના ગુજરાત પ્રવાસેઃ કાર્યકરો સાથે મકરસંક્રાત ઉજવશે ભાજપના રાષ્ટ્રીય પ્રમુખ અમિતભાઈ શાહ કાલે નારણપુરામાં કાર્યકર્તાઓ સાથે મકરસંક્રાંત ઉજવશે : પોતાના નિવાસસ્થાને કાર્યકરોને મળશે : આજે સાંજે ૭ વાગ્યે અમદાવાદ એરપોર્ટ આવી પહોંચશે access_time 3:46 pm IST

  • ગાંધીનગરની સિવિલ હોસ્પિટલમાં ૮મા માળેથી પટકાતા દર્દીનું મોત access_time 12:51 pm IST