Gujarati News

Gujarati News

News of Friday, 20th November 2020

જૂનાગઢમાં કોરોના કેસનો વધારો, જિલ્લામાં કુલ કેસ ૪૦,૦૦૦ની નજીક

ટેસ્ટ અને ધનવંતરી રથ-સ્ટાફ વધારાયો

(વિનુ જોશી દ્વારા) જૂનાગઢ, તા. ૨૦ :. જૂનાગઢ શહેર અને જિલ્લામાં કોરોના કેસનો વધારો થતા ચિંતાના વાદળો ઘેરાય ગયા છે. જિલ્લામાં કુલ કેસની સંખ્યા ૪૦૦૦ની નજીક પહોંચી ગઈ છે.

જૂનાગઢ જિલ્લામાં ગઈકાલે ૩૦ કેસનો વધારો થયો હતો. જેમાં ૨૧ કેસ જૂનાગઢ શહેરના છે. તમામ તાલુકાના કુલ કેસ કરતા ૨૦૦ ટકા કેસ માત્ર જૂનાગઢમાં નોંધાયા છે.

ગુરૂવારે જૂનાગઢમાં ૨૧ કેસ, માળીયા-૪, કેશોદ-૨, જૂનાગઢ ગ્રામ્ય, મેંદરડા અને વિસાવદર તાલુકામાં ૧ - ૧ કેસ નોંધાયા હતા.

જ્યારે ૨૫ દર્દી સ્વસ્થ થતા તેને ડિસ્ચાર્જ કરવામાં આવેલ. બીજી તરફ જૂનાગઢ જિલ્લામાં ૮૩ કન્ટેઈનમેન્ટ ઝોનમાં ૬૮૦ ઘરના ૨,૮૭૧ લોકોનો સમાવેશ થાય છે.

જૂનાગઢ જિલ્લામાં કોરોના પોઝીટીવ કેસની કુલ સંખ્યા વધીને ૩૯૯૬ થયેલ છે.

દરમ્યાન મ્યુનિ. કમિશ્નર શ્રી તુષાર સુમેરાએ સવારે અકિલા સાથેની ટેલીફોનીક વાતચીતમાં જૂનાગઢ શહેરમાં કોરોનાના વધી રહેલા કેસ અંગે ચિંતા વ્યકત કરીને જણાવેલ કે શહેરના ટેસ્ટ પ્રથમથી વધુમાં વધુ કરવામાં આવી રહ્યા છે તેમ છતા ટેસ્ટની ગતિ વધારવામાં આવી છે.

તેઓએ વધુમાં જણાવેલ કે, જૂનાગઢમાં ધનવંતરી રથનું ભ્રમણ વધારવામાં આવેલ છે. તેમજ આરોગ્ય સ્ટાફ વધારી ભવનાથમાં રોપ-વે સાઈટ નજીક ટેસ્ટ માટે કેમ્પ કરવાનુ આયોજન હાથ ધરવામાં આવેલ છે.

(1:02 pm IST)
  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST