Gujarati News

Gujarati News

News of Friday, 20th November 2020

જસદણના આંબરડીમાં ભાજપ પ્રભારી-પરિવાર ઉપર હુમલાની ઘટનામાં ૩૦ની ધરપકડ

(વિજય વસાણી દ્વારા) આટકોટ તા. ર૦ :.. જસદણના આંબરડી ગામે જીવનશાળા સ્કુલનાં સંચાલક અને વિંછીયા તાલુકા ભાજપના પ્રભારી પરીવાર પર થયેલા હિચકારા હુમલામાં સામેલ ૩૦ આરોપીની જસદણ પોલીસે ધરપકડ કરી છે.

સૌરાષ્ટ્રના કોળી સમાજમાં ભારે ચર્ચાસ્પદ બનેલા આ હુમલામાં આંબરડી જીવનશાળાના સંચાલક ખોડાભાઇ ખસીયા અને તેમના પરિવારની મહિલા સભ્યો તેમજ શાળાના કર્મચારી ઉપર ગઢડા તાલુકાના અને આંબરડીની બાજુમાં આવેલ લીંબાળી ગામનાં ૩૦ થી ૪૦ લોકોનાં ટોળા દ્વારા ભારે તોડફોડ સાથે માર મારવામાં આવ્યો હતો.

ગઇકાલે જયંતિ પોપટ ઝાપડીયા ઉ. વર્ષ ૪ર, શૈલેષ ગટુર ઝાપડીયા ઉઉ વર્ષ ર૩, પ્રવિણ બચુ ઝાપડીયા ઉ. વર્ષ ૩૮, લાલજી રાઘવ ઝાપડીયા ઉ. વર્ષ પ૦, અશ્વિન રાઘવ ચૌહાણ ઉ. વર્ષ ૩પ બધા જાતે કોળી સહિત ૩૦ આરોપીની ગઇકાલે કોરોના ટેસ્ટ બાદ ધરપકડ કરવામાં આવી હતી. આજે બધાને કોર્ટમાં રજુ કરવામાં આવશે તેવું જસદણ પોલિસે જણાવ્યું હતું.

આ બનાવમાં બંને પક્ષો કોળી સમાજનાં હોય કોળી સમાજમાં ભારે ચર્ચા જગાવી છે.જસદણ પોલિસે આરોપીની ધરપકડ કરવામાં સમય લગાડતાં એસ.પી. સુધી રજાુઆતો કરવામાં આવી હતી.

આ બનાવની વધુ તપાસ જસદણ પી.આઇ. જોષી ચલાવી રહ્યા છે.

(11:35 am IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST