Gujarati News

Gujarati News

News of Friday, 20th November 2020

નૂતનવર્ષના તહેવાર નિમિત્તે ખોડલધામ કાગવડ ખાતે ભાવિકોની ભીડ

વિરપુર : જયાં રાષ્ટ્રધ્વજ અને ધર્મનો ધ્વજ બંને એકસાથે ફરકે છે એવા સમગ્ર ભારતનું એકમાત્ર સ્થળ એટલે ખોડલધામ લોકાર્પણ થયું ત્યારથી અત્યાર સુધી તહેવારો ઉપર ભાવિકોની ભીડ જોવા મળે છે. પરંતુ કોરોના વાયરસે દરેક તહેવારોના નીતિનિયમો બદલી નાખ્યાં છે ત્યારે ચાલુ વર્ષે નૂતન વર્ષ નિમિતે ખોડાલધામ દર્શન કરવાની પદ્ઘતિ બદલાઇ બાકી તો દર્શનાર્થીઓ તો રાબેતા મુજબ માં ના દર્શન કરવા ઉમટી પડ્યા હતા. ઉત્તમ મેનેજમેન્ટ માટે પંકાયેલ ખોડલધામ ટ્રસ્ટ કોરોના નિયમો પાલન કરાવામાં ગાઈડ લાઈન કરતા પણ વિશેષ સુવિધાથી દર્શનાર્થીઓ માં ના ચરણોમાં શીશ નમાવીને ખોડલધામ પરિસરમાં ફરી શકયા હતા. એટલે કે સંતોની ભુમી સૌરાષ્ટ્રમાં પાંચ કિલોમોટરના અંતરમાં બે પ્રખ્યાત યાત્રાધામો જેમાં વીરપુર જલારામ અને ખોડલધામ એટલે દર્શનાર્થીઓ અત્યારે દિવાળીની રજામાં આસ્થાથી દર્શન પણ કરી અને આરામથી કુદરતી વાતાવરણમાં ફરી પણ શકે છે. ટૂંકમાં ખોડલધામ પર્યટન સ્થળ તરીકે પણ વિકાસ પામતું જોવા મળી રહ્યું છે. (તસ્વીર : કિશન મોરબીયા, વિરપુર)

(11:34 am IST)
  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • વિશ્વ સુપ્રસિદ્ધ શ્રી અક્ષરધામ મંદિર બંધ રહેશે : અમદાવાદ શહેરમાં હવે કોરોના વાયરસનું સંક્રમણમાં બેફામ વધારો થયો હોય અમદાવાદ શહેરમાં તા.૨૦થી ૨૩ નવેમ્બર સુધી કર્ફયુ જાહેર કરેલ હોય જેના અનુસંધાને સૌની સલામતી જળવાય એ હેતુ સાથે ગાંધીનગરમાં આવેલ સુપ્રસિદ્ધ અક્ષરધામ મંદિર પણ આ દિવસો દરમિયાન બંધ રહેશે access_time 11:25 am IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST