Gujarati News

Gujarati News

News of Friday, 20th November 2020

જૂનાગઢ એસટી ડિવીઝનને દિવાળી ફળી

૯ ડેપોને અઠવાડીયામાં રૂ. ૩૨ લાખથી વધુ આવક : વિભાગીય નિયામક જી.ઓ શાહ

(વિનુ જોષી દ્વારા) જૂનાગઢ,તા. ૨૦: જૂનાગઢ એસટી ડિવીઝન હેઠળ આવતા ૯ ડેપો દ્વારા દિવાળીના તહેવારોને લઇને રૂ. ૩૨.૧૭ લાખથી વધુની આવક થઇ છે.

એસટીના વિભાગીય નિયામકશ્રી જી.ઓ. શાહએ જણાવ્યું હતુ કે તહેવારોને લઇને એસટી વિભાગ દ્વારા એકસ્ટ્રા બસો દોડાવવામાં આવી હતી. જેને લઇ નોંધપાત્ર આવક થવા પામી છે. શ્રી શાહે વધુમાં જણાવેલ કે દિવાળીના તેહવારોને લઇને દર વર્ષે એકસ્ટ્રા બસો દોડાવવામાં આવે છે. ત્યારે આ વર્ષે પણ તા. ૧૧ થી ૧૭ નવેમ્બર સુધીમાં જૂનાગઢ સોમનાથ, દ્વારકા, જામનગર, રાજકોટ, અમદાવાદ, ગોધરા, દાહોદ, રાઘનપુર, ઉના, સાવરકુંડલા અને અમરેલી રૂટ ઉપર એકસ્ટ્રા બસ દોડાવવામાં આવી હતી. જેમાં જૂનાગઢ એસ.ટી ડિવીઝન હેઠળ આવતા ૯ ડેપોથી ૨૩૩ બસો દ્વારા ૪૯૪ ટ્રીપો કરવામાં આવેલ તેમાં ૨૦,૪૫૩ મુસાફરોએ મુસાફરી કરતા ૯ ડેપોમાંથી રૂ. ૩૨,૧૭,૨૬૦ની આવક થઇ છે.

શ્રી જી.ઓ.શાહએ અંતમાં જણાવ્યું હતુ કે કોરોનાની મહામારીને લઇને ગત વર્ષ કરતા અકસ્ટ્રા બસોની સંખ્યામાં ઘટાડો કરાયો છે અને સરકારની ગાઇડલાઇનનું પાલન પણ કરવામાં આવ્યું છે.

(11:30 am IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST