Gujarati News

Gujarati News

News of Friday, 20th November 2020

ઉનાના વાવરડામાં શોર્ટ સરકીટથી મકાનમાં આગ ભભૂકીઃ ૮પ હજાર રોકડા તથા ઘરવખરી બળી ગઇ

(નવીન જોષી દ્વારા) ઉના તા. ર૦: તાલુકાનાં વાવરડા ગામે મકાનમાં ઇલેકટ્રીક શોર્ટ સરકીટ થતાં રોકડા રૂપિયા ૮પ હજાર ત્થા ઘરવખરી બળી જતા નુકશાની થતાં બાવા પરિવાર નોંધારો બન્યો છે.

ઉનાથી ૭ કિ.મી. દુર વાવરડા ગામે રહેતા બાવાજી મેહુલગીરી વિનોદગીરી ગૌસ્વામીનાં કારા નળીયાવાળા મકાનમાં પરિવાર સાથે રહે છે. તેમના ઘરની ઓસરીમાં ઇલેકટ્રીક મીટરમાં શોર્ટ સર્કિટ થતાં ઘરમાં આગ લાગી ગઇ હતી. ઘરમાં ધુમાડાના ગોટા ત્થા અગ્નીની જવાળા નીકળતા આજુબાજુના લોકો ત્થા મેહુલગીરી પાણીનો મારો ચલાવી આગ કાબુમાં લેતા ઘરમાં રાખેલ રોકડા રૂપિયા ૮પ૦૦૦/- (પંચાસી હજાર) ત્થા ઘરવખરી ગાદલા-ગોદડા, કપડા અને ફર્નિચર બળી જતા મોટી નુકશાની ગઇ છે.

તેની મરણ મુડી પણ આગમાં બળી જતાં ભારે મુશ્કેલીમાં મુકાઇ ગયા છે. ઇલેકટ્રીક વાયરીંગનું ફીટીંગ કામ કરે છે. તેમનો નાનો ભાઇ સુરત હીરા ઘસે છે અને ભાઇને મકાન ખરીદવા રોકડા રૂપિયા લાવેલ હોય બળી ગયા હતાં.

(11:18 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST