Gujarati News

Gujarati News

News of Friday, 20th November 2020

લાભ પંચમીના શુભદિને દ્વારકાધીશને સુકામેવાનો મહાભોગ

(વિનુભાઇ સામાણી દ્વારા) દ્વારકા,તા. ૨૦: દ્વારકાધીશ જગતમંદિરમાં વર્ષ દરમ્યાન ઠાકોરજીને તહેવારો દરમ્યાન વિશેષ શૃંગારની સાથે સાથે વિશેષ વ્યંજનો સાથેના મહાભોગ પણ ધરાવવામાં આવતા હોય છે. દ્વારકાધીશ જગતમંદિરમાં લાભ પંચમીના શુભદિને એક ભકત પરિવાર દ્વારા આયોજિત સુકા મેવાનો મહાભોગ યોજવામાં આવ્યો હતો. જગતમંદિરના નેતાજી પુજારી તથા મુરલીભાઇ પુજારી દ્વારા કરાયેલા દિવ્ય શૃંગાર સાથેના મહાભોગનું બહોળી સંખ્યામાં ભાવિકોએ જગતમંદિરમાં તેમજ ઓનલાઇનના માધ્યમથી દર્શન કરી ભાવવિભોર બન્યા હતા. (તસ્વીરઃ દિપેશ સામાણી દ્વારકા)

(11:15 am IST)
  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST