Gujarati News

Gujarati News

News of Friday, 20th November 2020

જુનાગઢ સ્વામીનારાયણ મુખ્ય મંદિરે પ૧૦૦ કિલોનો અન્નકુટ ધરાયો

(વિનુ જોષી દ્વારા) જુનાગઢ તા. ર૦ :.. જવાહર રોડ સ્થિત શ્રી સ્વામીનારાયણ મુખ્ય મંદિર ખાતે દિપોત્સવી પર્વની ઉજવણી કરવામાં આવી હતી.

મંદિરના ચેરમેન દેવનંદનદાસજી મહંત શાસ્ત્રી સ્વામી પ્રેમસ્વરૂપદાસજી (નવાગઢવાળા) પી. પી. સ્વામી ચંદ્રપ્રસાદદાસજી સ્વામી ધર્મકિશોરદાસજી સ્વામી કુજવિહારીદાસજી સ્વામી સહિતના સંતોના માર્ગદર્શન હેઠળ ભગવાનને પ૧૦૦ કિલો અન્નકુટ બનાવી ધરાવાયો હતો જેમાં ૧૦૮ પ્રકારની વાનગી બનાવવા માટે ૧૦ દિવસ સુધી કામગીરી કરાઇ હતી. કોઠારી પ્રેમસ્વરૂપદાસજીએ જણાવ્યું હતું કે આ અન્નકુટનો પ્રસાદ ૭પ૦ ગામોમાં વિતરણ શરૂ કરાયુ છે. અને હરિભકતોને ઘરે બેઠા પ્રસાદ મળે તે માટે ગામે ગામ સ્વયંસેવકોની કમીટી બનાવી કામગીરી કરવામાં આવી રહી છે.

તેઓએ વધુમાં જણાવેલ કે દિપોત્સવી પર્વ દરમ્યાન અસંખ્ય શ્રધ્ધાળુઓએ કોરોનાની મહામારી વચ્ચે પણ ભગવાનને કૃતજ્ઞતા વ્યકત કરેલ અને સરકારી ગાઇડ લાઇનનું સંપૂર્ણ પાલન કરી સેનેટાઇઝ થઇ માસ્ક પહેરી સોશ્યલ ડીસટન્સ જાળવી સ્વયં શિસ્ત સાથે સૌ હરિભકતો દર્શનાર્થીઓએ લાભ લીધો હતો.

(11:07 am IST)
  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST