Gujarati News

Gujarati News

News of Friday, 20th November 2020

ઉનામાં પરિણિતાના આપઘાત કેસમાં ર પોલીસ કર્મચારીઓ સસ્પેન્ડ

(નવીન જોષી દ્વારા) ઉના, તા.ર૦ : પરણિતાએ સાસરીયાના ત્રાસથી ગળાફાંસો ખાઇ લઇ આત્મહત્યા કરી લીધાના ગુનાના બે પોલીસ કર્મચારી આરોપીઓને પોલીસે પકડીને બન્નેને પોલીસ કર્મચારીને સસ્પેન્ડ કરી દેવાયા છે.

વેરાવળ રોડ ઉપર રહેતા હરેશભાઇ કરશનભાઇ ચાવડા (પોલીસ કર્મચારી)ની પત્ની પુષ્પાબેને સાસરીયા તથા પતિના ત્રાસથી કંટાળી ઘરે આપઘાત કરી લેતા મોત થયું હતું. જેની ઉના પોલીસમાં મરણજનારના પિતા ગાંગાભાઇ કરશનભાઇ વાળા રે. ઓલવાડા હાલ મુંબઇવાળાએ તેમના જમાઇ હરેશ કરશન, જગદીશ કરશન સહિત ૪ સામે તેમની દિકરીને મરી જવા મજબુર કર્યાની ફરીયાદ દાખલ કરેલ હતી. જેની તપાસ ઉનાના પોલીસ ઇન્સ્પેકટર વિશ્વસિહ ચૌધરી કરી રહ્યા હતાં જેમાં બે દિવસ પહેલા પોલીસે એક આરોપી પોલીસ કર્મચારી હરેશ કરશાન ચાવડાની ધરપકડ કરી હતી અને નોકરીમાંથી સસ્પેન્ડ કરી કોરોના ટેસ્ટ કરાવી કોર્ટમાં પાંચ દિવસની રીમાન્ડ સાથે રજુ કરેલ હતાં. નામદાર કોર્ટ રીમાન્ડ નામંજુર કરી હરેશભાઇ કરશનને જેલ હવાલે કરતા જેલમાં મોકલી આપેલ છે.

બીજો આરોપી જગદીશ કરશન ચાવડા પોલીસ કર્મચારીની પણ ધરપકડ કરી અને નોકરીમાંથી સસ્પેન્ડ કરી દીધો હતો અને કોર્ટમાં રજુ કરાશે. તેમજ અન્ય આરોપીઓને પણ ટુંક સમયમાં પકડવામાં આવશે તેમ પોલીસે જણાવેલ હતું.

ઉલ્લેખનીય છે કે, પોલીસમાં ફરીયાદ કરવા છતાં ૩ દિવસ સુધી પોલીસ આરોપીને પકડતી ન હોય અને પોલીસ કર્મચારી હોવાથી છાવરતી હોય તેથી વણકર સમાજના લોકોએ ટોળે ટોળા ઉના પોલીસ સ્ટેશને આવી સુત્રોચારો કરી રસ્તા રોકો આંદોલન કરી ૩ કલાક ચક્કાજામ કરી દીધેલ અને ધરપકડની ખાતરી આપતા સમેટાયું હતું.

(11:01 am IST)
  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST

  • શેરબજારમાં પ્રારંભે મોટો ઉછાળો : આજે સવારે શેરબજાર શરૂ થઈ ત્યારે સેન્સેકસમાં સીધો જ ૨૮૨ પોઈન્ટનો ઉછાળો જોવા મળ્યો હતો. અને આંક ૪૩,૮૮૨ ઉપર પહોંચેલ. જયારે નિફ્ટી ૭૮ પોઇન્ટ વધીને ૧૨૮૫૦ના આંકે પહોંચી ગઈ હતી. access_time 12:52 pm IST