Gujarati News

Gujarati News

News of Friday, 20th November 2020

કાલે પૂ.જલારામબાપા જન્મજયંતિ નિમિતે કેશોદમાં ૫ હજાર રઘુવંશી પરિવારોને ઘરે બેઠા પ્રસાદ પહોંચાડશે

કોરોના મહામારીના કારણે નિર્ણય : સામુહિક ભોજન સમારંભ રદ

(દિનુભાઇ દેવાણી દ્વારા) કેશોદ,તા. ૨૦: શનિવાર તા. ૨૧ના રોજ આવી રહેલી વીરપુરના વિશ્વ પ્રસિધ્ધ ભકત અને ભુખના ભેરૂ પૂ. જલારામ બાપાની ૨૨૧ મી જન્મજયંતિ નિમિતે યોજનારા સમુહ ભોજનના વરસો જૂના કાર્યક્રમમાં આ વરસે સ્થાનિક લોહાણા મહાજન તરફથી એક નવો જ અભિગમ અપનાવવામાં આવ્યો છે અને એ પણ આશરે ૫ હજાર રઘુવંશીઓને વિના મૂલ્યે જલારામ બાપાનો પ્રસાદ ઘરબેઠા પહોંચાડવાનો.

પૂરા થયેલા વર્ષ દરમિયાન સમગ્ર દેશની જનતાએ ભૂતકાળમાં કયારેય ન અનુભવી હોય તેવી કોરોનાની ભયંકર હાડમારી અનુભવી અને આજે હજુ પણ આ હાડમારી સમગ્ર દેશની જનતા અનુભવી રહી છે. આ સ્થિતી વચ્ચે આ બિમારી વધુ ન ફેલાય અને પૂ. જલારામ બાપાની જન્મજયંતિ નિમિતે યોજાતો લોહાણા જ્ઞાતિ સમૂહ ભોજન કાર્યાકત પર સરકારશ્રીએ નક્કી કરેલ નિતિ -નિયમોની સંપૂર્ણ અમલવારી સાથે ઉજવાય જાય એ માટે સ્થાનિક કેશોદ લોહાણા મહાજનના નેજા હેઠળ (૧) લોહાણા મહાજન (૨) રઘુવંશી સોશ્યલ ગ્રુપ (૩) રઘુવીર સેનામ (૪) મહિલા મંડળ એક નવો જ અભિગમ અપનાવી માત્ર રઘુવંશી સમાજ નહિ પરંતુ તમામ સમાજને માટે એક નમુનારૂપ અને પ્રેરણારૂપ પગલું ભર્યું છે.

આ પ્રેરણા રૂપ પગલાના ભાગરૂપે સ્થાનિક કેશોદમાં વસતા તમામ ૯૦૦ રઘુવંશી પરિવારોના ઘરે જલારામ જયંતિ શનિવારના રોજ એક બોકસ પહોંચાડાશે અને આ પેકેટમાં ૩૦૦ ગ્રામ બુંદી, ૩૦૦ ગ્રામ ગાઠીયા અને ૩૦૦ ગ્રામ શુધ્ધ ઘીના અડદીયા હશે અને કોઇ પાસેથી આ માટે કોઇ ફંડ લેવાશે નહિ.

સ્થાનિક કેશોદના અલગ અલગ વિસ્તારમાં વસતા રઘુવંશી પરિવારોના ઘર શોધીને ચોક્કસ સમય મર્યાદામાં આ કામ પાર પાડવું મુશ્કેલ છે છતા આ માટે આશરે ૧૫૦ જેટલા ઉત્સાહી યુવાનો માનદ સેવા આપવા તૈયાર થયા છે અને આ કામ સફળતા પૂર્વક પાર પાડવાનું બીઠુ તેઓએ ઝડપયું છેે. સ્થાનિક કેશોદ લોહાણા સમાજ માટે કોઇ પાસેથી આર્થિક દાન મેળવ્યા સિવાય ઘરે ઘરે પૂ. જલારામ બાપાનો પ્રસાદ પહોંચાડવાનું ભગીરથ કાર્ય પાર પાડવાનું આ પ્રથમ સાહસ સફળતા પૂર્વક પાર પાડવા અને અન્ય તમામ સમાજના લોકોને એક નવોજ રાહ બતાવવા માટે નાના-મોટા તમામ લોકો અત્યારથી જ ભારે સક્રિય બની ગયા છે.

(10:19 am IST)
  • ગુજરાત પ્રદેશ ભાજપના માળખાની આજે જાહેરાત થવા સંભાવના access_time 4:24 pm IST

  • અમેરીકાના પ્રમુખપદની ચૂંટણીમાં અંતિમ આંકડાઓ બહાર આવી ગયા : ન્યુઝ ફર્સ્ટના અહેવાલ મુજબ અમેરીકાના પ્રમુખની ચૂંટણીમાં ઉભા રહેલા ડેમોક્રેટ પાર્ટીના જો બાઈડનને ૩૦૬ મત મળ્યા છે જયારે રિપબ્લીકન પાર્ટીના હાલના પ્રમુખ ડોનાલ્ડ ટ્રમ્પને ૨૩૨ મત મળ્યા છે. આમ જો બાઈડન ૭૪ મતથી વિજેતા થયા છે. જો કે સત્તાવાર જાહેરાત થવાની બાકી છે. access_time 11:25 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST