Gujarati News

Gujarati News

News of Friday, 20th November 2020

જામનગર-ખંભાળિયા નજીક કાર નદીમાં પડતાં બેનાં મોત

મોડપર ખાટિયા પાટિયા પાસે આવલા પુલની ઘટના : જામનગર જઈ રહેલા પરીવારને અકસ્માતથી ત્રણને ઈજા

જામનગર, તા. ૧૯ : ગુરુવારે વહેલી સવારે જામનગર-ખંભાળિયા હાઇવે પર અકસ્માત સર્જાયો હતો. જેમાં બે મહિલાઓના ઘટનાસ્થળે જ મોત નિપજ્યાં હતાં, જ્યારે ત્રણ લોકોને ઇજા પહોંચતાં હોસ્પિટલ ખસેડાયા હતા.

જામનગર-ખંભાળિયા હાઇવે પર મોડપર ખાટિયા પાટિયા પાસે આવલા પુલ પરથી એક કાર નદીમાં ખાબકી હતી. લગભગ ૨૦ ફૂટની ઊંચાઇએથી કાર નદીમાં ખાબકતાં બે મહિલાઓના ઘટનાસ્થળે જ મોત નિપજ્યાં હતાં. દ્વારકા જિલ્લાનો આહીર પરિવાર જાનમગર ખાતે રહેતાં સંબંધીને ત્યાં મકાનના વાસ્તામાં જઇ રહ્યો હતો, ત્યારે અકસ્માત સર્જાયો હતો. સાળા અને બનેવીની નજરે સામે જ તેમની પત્નીના મોત નિપજ્યાં હતાં.

જાણવા મળ્યું છે કે, કારમાં કારચાલ સાથે સાળા-બનેવી તેમની પત્ની સાથે સવાર હતા. કાર પૂલ પરથી પસાર થઇ રહી હતી ત્યારે અકસ્માત સર્જાયો હતો. જેમાં બન્ને મહિલાઓના મોત નિપજ્યાં હતાં, જ્યારે કારચાલક સહિત ૩ પુરુષોને ગંભીર ઇજા પહોંચી હતી.

ઘટનાને પગલે પોલીસ તથા ૧૦૮ની ટીમ ઘટના સ્થળે દોડીઆવી હતી. તથા સ્થાનિકલોકો પણ મદદ માટે દોડી આવ્યા હતા. જેમની મદદથી ઘાયલ લોકો અને મૃતકોને રેસ્ક્યુ કરી કારમાંથી બહાર કાઢવામાં આવ્યા હતા.

(9:13 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 40,909 કેસ નોંધાયા :કુલ કેસનો આંકડો 89,99,049 થયો :એક્ટીવ કેસ ઘટીને 4,41,727 થયા:વધુ 41,302 દર્દીઓ સ્વસ્થ થતા કુલ 84,23,162 રિકવર થયા :વધુ 514 લોકોના મોત સાથે કુલ મૃત્યુઆંક 1,32,133 થયો access_time 1:16 am IST