Gujarati News

Gujarati News

News of Wednesday, 20th November 2019

જૂનાગઢમાં રાષ્ટ્રીય અંધજન મંડળ દ્વારા સ્નેહમિલન રેડીયો વિતરણ કાર્યક્રમ યોજાયો

જૂનાગઢ તા.૨૦ : વંથલી રોડ પર વાડલા ફાટક પાસે આવેલ રાષ્ટ્રીય અંધજન મંડળ ખાતે સંસ્થાના કારોબારી સભ્યો, સામાન્ય સભ્યો, સંસ્થાના પ્રજ્ઞાચક્ષુ વૃધ્ધાશ્રમના અંતેવાસીઓ, સંસ્થાના પ્રજ્ઞાચક્ષુ વિદ્યાર્થીઓ, વિશિષ્ટ ીશક્ષકો તેમજ સંસ્થાના હિતેચ્છુઓ માટે એક અનોખા સ્નેહમિલનનું આયોજન કરાયેલ. જેમાં બધાએ હળી મળીને અનેરો આનંદ કરેલ.

આ પ્રસંગે દાતા દુર્લભજીભાઇ દયાલભાઇ દગડા તથા સોની પરિવાર તરફથી હરીતમભાઇ તથા રીતેશભાઇ સોનીના હસ્તે સંસ્થાના પ્રજ્ઞાચક્ષુ વૃધ્ધાશ્રમના અંતેવાસીઓને ૩૦ રેડીયોનું વિતરણ કરવામાં આવેલ. આ ઉપરાંત અંધજનોના મનોરંજન માટે મનોરંજન કલબની સ્થાપના કરાઇ. જે અંધજનોના જીવનમાં અતિ આવશ્યક પરિબળ છે. આ પ્રસંગે સંસ્થાના પ્રમુખ બળદેવસિંહ સરવૈયા, મંત્રી પુરૂષોતમભાઇ અકબરી, સહમંત્રી અમિતભાઇ વાઢેર, ખજાનચી આશિષભાઇ માંકડ તેમજ સંસ્થાના પૂર્વ પ્રમુખ અને દાતા ગોપાલભાઇ શાહે ખૂબ જ જહેમત ઉઠાવી પ્રેરણાદાયી રીતે ઉપસ્થિત રહેલ. સંસ્થા અંધજનોના શિક્ષણ તાલીમ પુનર્વશન અને આશ્રય માટે છેલ્લા ૩૯ વર્ષથી સતત કામ કરે છે.

(12:13 pm IST)
  • ચિદમ્બરમની રાહુદશા લંબાણીઃ જામીન અરજીની સુનાવણી હવે અઠવાડીયા પછી ૨૬ નવેમ્બરે સુપ્રિમ કોર્ટ હાથ ઉપર લેશે : દિલ્હી હાઇકોર્ટે જામીન અરજી ફગાવી દીધા પછી સુપ્રિમમાં અરજી થઇ છેઃ સુપ્રિમ કોર્ટે એન્ફોર્સમેન્ટ ડાયરેકટોરેટ (ઇડી) ને નોટીસ આપી છે. access_time 11:32 am IST

  • ૪ વર્ષથી મોટા બાળકો માટે પણ હેલ્મેટ ફરજીયાત : કેરળ હાઇકોર્ટ : કોચી : કેરળ હાઇકોર્ટે ટુ વ્હીલર ચાલકોની પાછળ બેસનાર માટે પણ હેલ્મેટ ફરજીયાત કરવાનો નિર્ણય લીધો જેમાં ૪ વર્ષથી વધુ ઉંમરના બાળકોનો પણ સમાવેશ થાય છે. કોર્ટે રાજય સરકારને નવા નિયમો અંગે લોકોને જાણ કરવા નોટીસ આપવા તથા હોર્ડીંગ લગાવવાનો આદેશ આપ્યો access_time 11:47 am IST

  • જળ વિદ્યુત શક્તિનું ઉત્પાદન આ વર્ષે રેકોર્ડ બ્રેક 16 ટકા વધુ થયેલ છે access_time 10:02 pm IST