Gujarati News

Gujarati News

News of Sunday, 20th October 2019

ચોટીલા હાઇવે પર નાગરાજ હોટલ પાછળ જુગારમાં મસ્‍ત ૧૧ શખ્‍સોને પોલીસે ઝડપી લીધા : ૬ર,પ૦૦ ની રોકડ સાથે ૭ લાખનો મુદ્દામાલ જપ્‍ત

ચોટીલાઃ ચોટીલા રાજકોટ હાઇવેના હોટેલ ઢાબાઓ અનેક ગેરકાયદે પ્રવૃતિ માટે પંકાયેલ છે ત્યારે નેશનલ હાઇવે ની નાગરાજ હોટલનાં પાછળનાં ભાગમાં ગુડદીપાસાનાં અખાડા ઉપર પોલીસે રેઈડ પાડતા નાસભાગ મચેલ હતી. જોકે ૧૧ ઈસમોને ૬૨.૫૦૦ ની રોકડ સાથે ૭ લાખનો મુદ્દામાલ પકડવામાં સફ્ળતા મળી હતી.

ચોટીલા પંથકમાં ઘોડીપાસાનું રેકેટ ચલાવવામાં આવતુ હોવાની બાતમીના આધારે પોલીસે રાજકોટ નેશનલ હાઇવે ઉપર ચોટીલા થી ૭ કીમી દુર નાગરાજ હોટલ પાછળની ખુલ્લી જગ્યામાં દરોડો પાડતા ધોડીપાસાનો જુગારનો અખાડો મળી આવ્યો હતો. જોકે ગુડદીનાં જુગારમાં પોલીસને સામાન્ય રકમ મળી આવતા કેટલાક શખ્સો મોટી રકમ સાથે નાસી છુટવામાં સફ્ળ થયાની આશંકાની ચર્ચા ઉઠી છે.

આ અખાડામાં જુગારીઓને લાવવા લઇ જવા માટે ઉપયોગમાં લેવાતી ઇકો અને વીંગર બે કાર, ૧૧ મોબાઇલ સાથે બે નંગ પાસા અને ૬૨૫૦૦ રોકડા સાથે ઓમદેવસિંહ કીરીટસિંહ ઝાલા રે. ભાટીયા સો આ. વાકાનેર, સંજય નારાયણ સાનીયા ભરવાડ રે. સંતકબીર રોડ રાજકોટ, દિનેશ હિરાભાઇ સાગલીયા ભરવાડ રે. મચ્છોનગર રાજકોટ, અલ્પેશ વાસુરભાઇ ધ્રાંગા આહિર રે. મહેશ્ચરીનગર કોઠારીયા રોડ રાજકોટ, રઘુ ધારાભાઇ મુંધવા રે.ગોકુલનગર સંતકબીર રોડ રાજકોટ, ઇરફન રહીમભાઇ માંડકીયારે. ખાટકીપરા વાકાનેર, બ્રીજેશ નાથાભાઈ ગણાત્રા રે. પાચ પીપળા રોડ જેતપુર, મુના સવાભાઇ જોગરાણા ભરવાડ રે. સંત કબીર રોડ રાજકોટ, પારસ ભરતભાઈ મકવાણા રે. ભાટીયા સોસા. વાકાનેર, કલ્પેશ બાબુભાઇ મહેતા વાણીયા રે. સહજાનંદ શેરી વાકાનેર, મહેશ સોમાભાઇ ગમારા ભરવાડ રે. શ્રાીરામ પાર્ક આજીડેમ ચોકડી રાજકોટ વાળાને ઝડપી પાડેલ છે. પોલીસે કુલ ૭ લાખનો મુદ્દામાલ જપ્ત કરી જુગાર ધારા મુજબ ગુનો દાખલ કરી ધોરણસરની કાર્યવાહી હાથ ધરેલ છે.

(12:20 pm IST)
  • પાકિસ્તાનમાં ત્રાસવાદી હુમલો નિષ્ફળ ગયોઃ ૧ આતંકી ઠાર : પાકિસ્તાનમાં મોટો આતંકી હુમલો થયો છેઃ લોરાલઈ જિલ્લામાં પાકિસ્તાની સુરક્ષા દળના વાહન ઉપર આંતકીઓએ હુમલો કરતા ૨ જવાન ઘાયલ થયા છેઃ દરમિયાન આતંકીઓ ઘેરાઈ જતા એક આતંકીએ પોતાને બોંબથી ઉડાવી દીધેલ જયારે બીજો સ્થળ ઉપર જ મૃત્યુ પામેલ access_time 4:05 pm IST

  • DHFLના ૧૪ સ્થળે EDના દરોડાઃ ઇકબાલ મિર્ચી મળ્યે સંબંધોની શંકા : નવી દિલ્હી : ઇડીએ અંધારી આલમના ડોન દાઉદની નજીકના ઇકબાલ મિર્ચી સાથે જોડાયેલા મની લોન્ડ્રીંગ મામલામાં ડીએચએફએલ અને અન્ય કંપનીઓના ૧ ડઝન સ્થળોએ દરોડા પડયા છે access_time 4:05 pm IST

  • પૃથ્વીથી ૧૪૦૦ પ્રકાશ વર્ષ દુર '' તારો'' મૃત્યુ પામી રહયો છેઃ નાસાના હબલ સ્પેસ ટેલીસ્કોપે તસ્વીરો ઝડપી access_time 4:03 pm IST