Gujarati News

રાજકોટ તા. ર૦ : શાપરવેરાવળમાં છોટાહાથીમાં ક્રુરતા પુર્વક બાંધી કતલખાને લઇ જવાતા બે બળદ અને એક વાછરડાનો શાપર વેરાવળ પોલીસે જીવ બચાવી છોટાહાથી ચાલક સહિત ત્રણ શખ્સોની શોધખોળ આદરી હતી.

મળતી વિગત મુજબ શાપર વેરાવળ પોલીસ મથકના એએસઆઇ એન.બી.રાઠોડ સહિત પેટ્રોલીંગમાં હતા ત્યારે બાતમીના આધારે શાપરમાં અરમાન ટાઇગર મટન સેન્ટર નામના મકાન પાસેથી જીજે૧સીએકસ ૯ર૪૧ નંબરના છોટાહાથીમાં ક્રુરતા પૂર્વક બાંધેલા બે બળદ અને એક વાછરડાને છોડાવી જીવ બચાવ્યો હતો. જોકે, છોટાહાથી ચાલક અને બે અજાણ્યા શખ્સો નાસી જતા ત્રણેયથી શોધખોળ આદરી છે.

આ અંગે પોલીસે ગૌરક્ષક કાંગશીયાળી ગામના મુકેશભાઇ રાણાભાઇ રાદડીયા (ઉ.ર૮) ની ફરીયાદ પરથી છોટાહાથી ચાલક સહીત ત્રણ શખ્સો વિરૃધ્ધ ગુનો દાખલ કરી તપાસ હાથ ધરી છે. (૬.૧૨)