Gujarati News

Gujarati News

News of Thursday, 20th September 2018

કોટડાસાંગાણીમાં વિજ ધાંધીયાથી ત્રસ્ત ખેડૂતો દ્વારા રેલી-આવેદન

કોટડાસાંગાણી, તા.૨૦:  કોટડાસાંગાણીની પીજીવીસીએલની કામગીરીથી કંટાળી ખેડુતોએ ઉગ્ર સુત્રોચાર કરી મામલતદાર અને નાયબ ઈજનેર આવેદનપત્ર પાઠવ્યુ હતુ.

એક તરફ ઓછા વરસાદથી કોટડાસાંગાણીના ખેડુતોનો પાક મુરજાઈ રહ્યો છે તેથી ખેડુતો સીંચાઈના પાણી પર પાકને બચાવી રહ્યા છે પરંતુ કોટડાસાંગાણીના વિજ ધાંધીયાથી કંટાળી ગયેલા ખેડુતોએ કિશાન સંઘના નેજા હેઠળ પીજીવીસીએલ કચેરીએ સુત્રોચાર કર્યા હતા. સાથે ખેડુતોના વિવિધ પ્રશ્નને લઈને પીજીવીસીએલમા અનેક વખત રજુઆત કરી હતી જેનો કોઈ ઉકેલ નહી આવતા આજે સો થી વધુ ખેડુતોએ રેલી યોજી નાયબ ઈજનેરને આવેદન પત્ર પાઠવ્યુ હતુ ત્યારબાદ આ અંગે મામલતદારને પણ આવેદનપત્ર પાઠવ્યુ હતુ. કોટડાસાંગાણી વાડિ વિસ્તારમા જયારે કોઈ ફોલ્ટ સર્જાઈ છે ત્યારે પીજીવીસીએલ તંત્ર ઢિલાસ રાખીને તુરંત ફોલ્ટ શોલ કરતુ નથી અને પુરતો વીજ પુરવઠો પણ નહી આપતા હોવાથી ખેડુતો પાકને સીંચાઈ નહી કરી શકતા હોવાથી પાક મુરજાઈ રહ્યો છે તેથી ખેડુતોએ ઉગ્ર આવેદન પત્ર પાઠવી સુત્રોચાર કરી રજુઆત કરી હતી.(૨૩.પ)

 

(12:07 pm IST)
  • અંબાજીથી દર્શન કરી પરત આવતા ટેમ્પોમાં મોડાસાના ઝાલોદર પાસે પદયાત્રીઓના જનરેટર બ્લાસ્ટમાં થતા ૧પ થી વધુ પદયાત્રીઓ દાજયા : આ યાત્રીકો અંબાજી મહીસાગર જતા હતા ચાલુ ટેમ્પોએ પદયાત્રીઓ ટેમ્પોમાંથી કૂદયાઃ ઘાયલોને સારવાર માટે મોડાસા સાર્વજનિક હોસ્પિટલમાં ખસેડયા access_time 1:37 pm IST

  • મુખ્યપ્રધાન વિજય રૂપાણીનુ પોરબંદરમા આગમન:ખારવા સમાજ દ્વારા આયોજીત રામદેવજી મહાપ્રભજીના પ્રાગટ્ય મહોત્સવમા ઉપસ્થિત:કાર્યક્રમમાં જનસભાને પણ સંબોધશે મુખ્યપ્રધાન, માછીમારો માટે 11 કરોડના કામોનું કરશે ખાતમહુર્ત access_time 10:53 pm IST

  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST