Gujarati News

Gujarati News

News of Thursday, 20th September 2018

કાલાવડના નિકાવામાં સાંજે તાજીયા પડમા આવશે

નિકાવા તા. ૨૦ : આથી દેશભરમાં મુસ્‍લિમ બિરાદરો દ્વારા પૈગમ્‍બર સાહેબના નવસા હજરતે ઇમામ હુસેન અને તેના ૭૨ જાનિસારોની યાદમાં ગામે ગામ કલાત્‍મક તાજીયા બનાવી તેમજ ઠેક ઠેક ઠેકાણે સબીલો, વાયેજ શરીફ તેમજ ન્‍યાજના પ્રોગ્રામો યોજી યાદે કારબલા મનાવવામાં આવી રહી છે ત્‍યારે કાલાવડ તાલુકાના નિકાવા ગામે કલાત્‍મક તાજીયા બનાવાની કામગીરી પુરી થયેલ છે તેમજ તાજીયા કમિટિના પ્રમુખ રફીકભાઈ આદમાણીના જણાવ્‍યા પ્રમાણે તાજીયા કમિટી દ્વારા સતત ૨ મહિનાથી પણ વધારે સમય થયા રાત દિવસ જોયા વગર તાજીયા બનાવાની કામગરી પૂર્ણ કરેલ છે તેમજ પહેલી મહોરમ ૨૦ જેટલી કમિટીઓ દ્વારા જુદા જુદા સરબતો અને ન્‍યાજના પ્રોગ્રામો થઈ રહ્યા છે . તેમાં નિકાવા તેમજ આજુ બાજુના ગામોમાંથી બહોળી સંખ્‍યામાં હિન્‍દૂ મુસ્‍લિમ ભાઈઓ ભાગ લઈ હિન્‍દૂ મુસ્‍લીમ એકતાનો પરિચય કરાવી રહ્યાં છે તેમજ દરરોજ બપોરે તકિયા ખાતે બહેનોની મિલાદ તેમજ રાત્રે તકરીરનો પ્રોગ્રામ યોજાય છે. જેમા લોકો બહોળી સંખ્‍યામાં હાજરી આપી સવાબ હાસિલ કરી રહ્યાં છે. અને આજે સાંજે તાજીયા પડમાં આવશે ત્‍યારબાદ રાત્રિ દરમ્‍યાન અનેᅠ આવતીકાલે નિકાવાની બજારોમાં ફરશે અને આવતીકાલે સાંજે હુસેની ચોક માં જુલસ પૂર્ણ થશે આજે અને આવતીકાલે જુદી જુદી કમિટીઓ દ્વારા આમ ન્‍યાજના પ્રોગ્રામો રાખવામાં આવેલ છે.

(10:55 am IST)
  • દીવ - દમણના કોંગી પ્રમુખ કેતન પટેલની મુંબઈમાં ધરપકડ : દમણ - દીવ કોંગ્રેસ પ્રમુખ કેતન પટેલની મુંબઈથી ધરપકડ : પોલીસ કેતન પટેલને આજે કોર્ટમાં રજૂ કરશે : તેના પર એક કંપનીના મેનેજર પાસે ખંડણી માંગવાનો આરોપ છે access_time 1:37 pm IST

  • શીન્જો આબે ફરી જાપાનના વડાપ્રધાન બનશે : ભારત સાથે ગાઢ દોસ્તી : જાપાનમાં તેમની ઝળહળતી કામગીરી : બીજી વખત સુકાન સંભાળશે : જાપાનની પ્રજાએ ફરી કળશ ઢોળ્યોઃ સામાન્ય ચૂંટણીમાં વિજય access_time 3:06 pm IST

  • શેરબજારમાં ચાલુ સપ્તાહે માઠીઅસર :ત્રણ દિવસમાં રોકાણકારોની અબજોની સંપત્તિ ઘટી :બુધવારે સેન્સેક્સ 169.45 પોઈન્ટ,જ્યારે નિફ્ટી 44.55 પોઈન્ટના ઘટાડા સાથે અનુક્રમે 37,121.22 અને 11,234.35 પર બંધ :આંકડા મુજબ સપ્તાહના ત્રણ દિવસોમાં રોકાણકારોની સંપત્તિમાં 3.62 લાખ કરોડનો ખાડો પડ્યો : સેન્સેક્સ લગભગ બે મહિનાના નિચલા સ્તરે : બીએસઈમાં લિસ્ટેડ કંપનીઓની સંપત્તિ શુક્રવારથી 3 લાખ 62 હજાર 357.15 કરોડ રૂપિયા ઘટી 1 કરોડ 52 લાખ 73 હજાર 265 કરોડ રૂપિયા રહીં access_time 1:04 am IST