Gujarati News

Gujarati News

News of Saturday, 20th July 2019

હળવદ તાલુકાની આશા બહેનો દ્વારા વેતન વધારાની માંગણી

હળવદ તા.૨૦ : હળવદ તાલુકાની આશા બહેનોએ પગાર વધારો આપવાની માંગ સાથે આજે જીલ્લા કલેકટર મારફત રાજયના આરોગ્ય મંત્રીને આવેદન પાઠવ્યું હતું.

 હળવદ તાલુકાની આશા બહેનોએ આરોગ્ય મંત્રીને કરેલી રજૂઆતમાં જણાવ્યું છે કે હળવદના તમામ આશા બહેનો ૨૦૦૮ થી હળવદ તાલુકાના તમામ પીએચસીના મથક, ટીકર, મયુરનગર, જુના દેવળિયા, સાપકડા, રમણલપુર ખાતે વર્ષોથી આરોગ્ય ખાતામાં આશા તરીકે કાર્ય કરે છે છતાં રૂ ૨૦૦૦ પગાર છે આશા બહેનોને વિતરણ પૂરું મળતું નથી જેથી કાયમી કરવામાં આવે અને વેતન વધારો આપવામાં આવે તેવી માંગ રાજયના આરોગ્ય મંત્રી સમક્ષ કરવામાં આવી છે અને જો પગલા લેવામાં નહિ આવે તો તમામ આશા બહેનો હડતાલ કરવા તેમજ પગપાળા ચાલીને ગાંધીનગર આવી વિરોધ કરવામાં આવશે તેમ જણાવ્યું છે.

(11:23 am IST)
  • શ્રાવણના દરેક સોમવારે તાજમહેલમાં શિવસૈનિકો આરતી ઉતારશે : સિકયુરીટી વધારી દીધી : શિવસેનાએ જાહેર કર્યુ છે કે આગામી ૨જી ઓગષ્ટથી શરૂ થઈ રહેલ શ્રાવણ મહિનાના પ્રત્યેક સોમવારે ઉ.પ્ર.ના જગપ્રસિદ્ધ તાજમહેલમાં શિવસૈનિકો આરતી કરશેઃ આ જાહેરાતના પગલે તાજમહેલ ફરતી સિકયોરીટી વધારી દેવામાં આવી છેઃ શિવસૈનિકો આરતી કરવામાં સફળ રહેશે તો મોટી ધમાલ સર્જાવાનો ભય સેવાઈ રહ્યો છે access_time 1:08 pm IST

  • ઉત્તર કેરળમાં સવાર સુધીમાં ૨૪ કલાક દરમિયાન ૪ થી ૧૨ ઇંચ જેવો અતિ ભારે વરસાદ પડ્યો છે :જ્યારે દક્ષિણ કેરળમાં હળવો પડ્યો છે :કોટ્ટાયમમાં ૪ ઇંચ અને કુડુલુમાં ૧૨ ઇંચ પડી ગયો access_time 9:14 pm IST

  • શીલા દિક્ષીતજીના અવસાનથી દુઃખ અનુભવું છું : દિલ્હીના વિકાસમાં તેમનું મહત્વનું યોગદાન હતું : દિલ્હીના પૂર્વ ચીફ મિનિસ્ટર શીલા દીક્ષિતને વડાપ્રધાન નરેન્દ્ર મોદીની શ્રદ્ધાંજલિ : પરિવારજનોને આશ્વાસન પાઠવ્યું access_time 8:38 pm IST