Gujarati News

Gujarati News

News of Monday, 20th May 2019

ગોંડલમાં કંપનીનો માલ વેચી કરીમ ગીલાણી ૨.૫૮ લાખ ચાંઉ કરી ગયો

રાજકોટ, તા. ૨૦ :. ગોંડલમાં કંપનીનો કર્મચારી કંપનીની પ્રોડકટ વેચી ૨.૫૮ લાખની રકમ ચાંઉ કરી જતા પોલીસમાં ફરીયાદ થઈ છે.

મળતી વિગતો મુજબ ગોંડલમાં આવેલ ખીમજી રામદાસ પ્રા.લી. કંપનીના નિશાન કોઠારી રહે. રાજકોટએ તેની જ કંપનીના કર્મચારી કરીમ સીરાજભાઈ ગીલાણી રહે. આશાપુરા રોડ, જીનપ્લોટ, ગોંડલ સામે ગોંડલી સીટી પોલીસ મથકમાં ફરીયાદ નોંધાવી છે. ફરીયાદમા જણાવ્યા મુજબ આરોપી કરીમ ઉકત કંપનીમાં ડીલવરી બોય તરીકે નોકરી કરતો હોય કંપનીમાં વેચાવા આવતી પ્રોકટર એન્ડ ગેમ્બલ કંપનીની જુદી જુદી પ્રોડકટનું વેચાણ કરી આ વેચાણ કરેલ વસ્તુઓના રૂ. ૨.૫૮ લાખ કંપનીમાં કરાવવાના બદલે પોતાના અંગત ખર્ચમાં વાપરી નાખી ચાંઉ કરી ગયો હતો.

આ ફરીયાદ અંગે ગોંડલ પોલીસે ગુન્હો દાખલ કરી કરીમ ગીલાણીની શોધખોળ હાથ ધરી છે.

સગીરાનું અપહરણ

ગોંડલ પંથકની સગીરાને પ્રકાશ દિપકભાઈ વાઘેલા રહે. નેશનલ હાઈવે રોડ, ઉમવાડા ચોકડી, રમાનાથ મંદિર સામે ઝૂપડપટ્ટી લલચાવી ફોસલાવી ભગાડી જતા સગીરાના પિતાએ ઉકત શખ્સ સામે સીટી પોલીસમાં ફરીયાદ કરી છે.

(11:46 am IST)
  • અમદાવાદના બોપલ ઘુમા નપામાં બાળમજુરી આવી સામે : ૧૮ વર્ષથી ઓછી વયના કિશોર ચલાવે છે પાલીકાના ટ્રેકટરઃ બાળમજુરી પર બોલ્યા ચીફ ઓફીસરઃ તપાસ કરવામાં આવશેઃ પ્રણવ શાહઃ લાયસન્સ વિના હેવી વાહન ચલાવે છે કિશોર access_time 4:29 pm IST

  • સૌરાષ્ટ્ર-કચ્છ-ઉત્તર ગુજરાતમાં વાતાવરણ પલ્ટાશે : બે દિવસ થંડરસ્ટ્રોમની આગાહી રાજકોટમાં ૪૦ ડિગ્રી : હવામાન વિભાગે બે દિવસ ફરી વરસાદની આગાહી કરી છે : સૌરાષ્ટ્ર, કચ્છમાં જોરદાર પવન ફૂંકાશે : બનારસકાંઠા અને સાબરકાંઠામાં સામાન્ય વરસાદ પડશે : રાજકોટમાં બપોરે ૩ વાગ્યે ૪૦ ડિગ્રી તાપમાન છે : ફરી ગરમીમાં આંશિક વધારા સાથે ૧૬ કિ.મી.ની ઝડપે ગરમ પવન ફૂંકાઈ રહ્યા છે access_time 4:26 pm IST

  • પંજાબના ગુરદાસપુરમાં મતદાન વેળાએ હિંસા :મતદાન બાદ કોંગ્રેસ અને અકાલી દળના કાર્યકર્તાઓ વચ્ચે મારામારી :ત્રણ જેટલા શખ્સો ઘાયલ :મારામારીની ઘટના બાદ પોલીસે સ્થિતિ પર કાબૂ મેળવવા પ્રયાસો હાથ ધર્યા access_time 1:37 am IST