Gujarati News

Gujarati News

News of Tuesday, 20th April 2021

જસદણમાં તા. ૩૦ સુધી બપોરે એક વાગ્‍યા બાદ સ્‍વૈચ્‍છિક લોકડાઉન

(ધર્મેશ કલ્‍યાણી-હુસામુદ્દીન કપાસી દ્વારા) જસદણ, તા. ૨૦: જસદણમાં છેલ્લા એક સપ્તાહથી બપોરે ત્રણ વાગ્‍યા બાદ વેપારીઓ દ્વારા સ્‍વૈચ્‍છિક રીતે તમામ વેપાર ધંધા બંધ રાખવામાં આવતા હતા અને સ્‍વૈચ્‍છિક લોક ડાઉન કડક રીતે અમલમાં હતું. દરમિયાન ગઇકાલે સાંજે વિવિધ વેપારી એસોસીએશનના અગ્રણીઓ તેમજ વહીવટી તંત્રની એક બેઠક જસદણ તાલુકા સેવા સદન ખાતે મળી હતી. જેમાં નક્કી થયા મુજબ તારીખ ૨૦-૦૪ થી અમલ શરૂ કરીને તારીખ ૩૦-૪ સુધી દરરોજ બપોરે એક વાગ્‍યા બાદ મેડિકલ સ્‍ટોર સિવાયના તમામ વેપાર ધંધા દુકાનો સ્‍વૈચ્‍છિક રીતે બંધ રાખવામાં આવશે. જસદણના બજાર વિસ્‍તાર સિવાય બારોબાર આવેલા હીરાના તેમજ હેન્‍ડીક્રાફ્‌ટના કારખાનાઓ બુધવાર સુધી સ્‍વૈચ્‍છિક બંધ છે જોકે ગુરુવારે કારખાનાઓ ખુલ્‍યા બાદ તેઓ સાંજે ૬ કલાક સુધી કારખાનાની અંદર સોશિયલ ડિસ્‍ટન્‍સ સહિતના નીતિ-નિયમોને આધીન રહીને પ્રોડક્‍શન કામ ચાલુ રાખી શકશે. તમામ વેપારીઓએ એક વાગ્‍યા બાદ સ્‍વૈચ્‍છિક કડક રીતે બંધ રાખવાનો નિર્ણય કર્યો છે.

(11:56 am IST)
  • ૧લી જુલાઈથી લાખો કેન્દ્રીય કર્મચારીઓનો પગારમાં મોટો વધારો થશે : ૭મા પગારપંચ હેઠળ ૧લી જુલાઈથી કેન્દ્રીય કર્મચારીઓનો પગાર વધીને આવશે : ૨૮ મોંઘવારી ભથ્થુ મળશે તેવુ જાણવા મળશે : જુલાઈ મહિનામાં કેન્દ્રના કર્મચારીઓ અને પેન્શનરોને મોંઘવારી ભથ્થુ હાલના ૧૭ થી વધીને ૨૮ મળશે તેવું જાણવા મળે છે access_time 3:24 pm IST

  • સાંજે ૫:૩૦ આસપાસ રાજકોટ નજીક શહેર અને ગોંડલ પંથકમાં કમોસમી વરસાદ શરૂ થયો છે : આકાશમાં કાળા ડિબાંગ વાદળો અચાનક ઘેરાઇ આવ્યા છે (ભાવેશ ભોજાણી દ્વારા) access_time 5:33 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST