Gujarati News

Gujarati News

News of Tuesday, 20th April 2021

કોવિડ દર્દીઓની લાશોનો વિડીયો વાયરલ થવાના મુદ્દે ભુજની અદાણી જીકે જનરલ હોસ્પિટલના ૪ નાના કર્મચારીઓનો ભોગ લેવાયો

મોતના આંકડા છુપાવવા ના માંગતા સત્તાવાળાઓએ ૪ કર્મીઓને કાઢી મુકતા અન્ય ૨૦ કર્મીઓ હડતાળ ઉપર ઉતર્યા

(વિનોદ ગાલા દ્વારા) ભુજ, તા.૨૦: કચ્છમાં કોરોનાના દર્દીઓની સાચી સંખ્યા તેમ જ મોતના આંકડા બાબતે તંત્ર હોય કે હોસ્પિટલના સત્તાવાળાઓ હોય બન્ને ખેલ કરે છે. લોકોમાં ચાલતી આ જ વાતનો પડદ્યો મુખ્યમંત્રી અને નાયબ મુખ્યમંત્રીની પત્રકાર પરિષદમાં પત્રકારોએ પાડ્યો હતો. જોકે, તે વચ્ચે બે દિવસ થયા ભુજની કોવિડ હોસ્પિટલમાં એક સાથે ૧૧ જેટલા કોરોનાના દર્દીઓની લાશનો વીડિયો સોશ્યલ મીડિયામાં વાયરલ થયો હતો. જેણે કચ્છના વહીવટીતંત્ર તેમ જ અદાણી જીકે જનરલ હોસ્પિટલની પોલ ખોલી નાખી હતી. આ વીડિયો ઉપરાંત સ્થાનિક મીડિયામાં પણ આ અંગેના સમાચારોએ તંત્ર સામે અનેક સવાલો ખડા કર્યા હતા. જેને પગલે વીડિયોમાં દેખાતા ૪ હંગામી કર્મચારીઓને છૂટા કરી દેવાયા હતા. નાના કર્મચારીઓ ઉપર વરસેલી ગાજ ને પગલે અન્ય સાથી કર્મચારીઓ હડતાલ ઉપર ઉતરી ગયા હતા. જેને પગલે મોર્ગ રૂમમાં કોરોનાના દર્દીઓની લાશને સુરક્ષા સાથે પેક કરવાનું કામ ખોરંભે ચડ્યું હતું. જોકે, સત્તાવાળાઓએ કર્મચારીઓને સમજાવવા પ્રયાસો હાથ ધર્યા છે.

(1:02 pm IST)
  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • આજે રાજકોટ શહેર - જિલ્લામાં કોરોનાનો રાફડો ફાટ્યો : આજે સાંજ સુધીમાં રાજકોટ શહેરમાં 764 અને ગ્રામ્યના 86 કેસ સાથે કુલ રેકર્ડબ્રેક 850 નવા કોરોના ના કેસ નોંધાયા : લોકોમાં ફેલાયો ફફડાટ access_time 7:44 pm IST

  • રિલાયન્સ ઈન્ડસ્ટ્રીઝ ગુજરાતને દરરોજ ૪૦૦ ટન ઓક્સિજન પૂરો પાડશે : જામનગરની રિલાયન્સ ઈન્ડસ્ટ્રીઝ ગુજરાતને રોજ ૪૦૦ ટન ઓક્સિજન પૂરો પાડશે તેમ રિલાયન્સ ઈન્ડસ્ટ્રીઝના શ્રી ધનરાજ પરિમલભાઈ નથવાણીઍ તેમના ટ્વીટર હેન્ડલ ઉપર ટ્વીટ કરીને જણાવ્યુ છે : કોરોના મહામારીમાં આ મોટા આર્શીવાદરૂપ સમાચાર છે access_time 2:50 pm IST