Gujarati News

Gujarati News

News of Wednesday, 20th March 2019

મોટી પાનેલીઃ ગરીબ પરિવારોને ધાણી દાળિયા ખજૂર પતાસા કીટનું વિતરણ

મોટી પાનેલીઃ આગામી હોળી ધુળેટી તહેવારને અનુલક્ષી ઉપલેટા તાલુકાના મોટી પાનેલી ગામના સેવાભાવી યુવાનો દ્વારા પાનેલી તેમજ આજુબાજુના ગરીબ મજુર પરિવારોને ધાણી દાળિયા ખજૂર પતાસાની કીટ વિતરણ કરી કર્મયોગી કાર્ય કરવામાં આવેલ હતું. લગભગ બસો જેટલા પેકેટ બનાવી મોટી પાનેલી સાતવડી માંડાસણ ગામના આજુબાજુના ખેતરોમાં જઈને આ યુવાનોએ કીટનું વિતરણ કરતા ગરીબ મજૂરોના બાળકો ઉમંગમાં આવી ગયેલ બાળકોના માતા પિતા પણ ખુશ થઇ આ યુવાનોને આશીર્વાદ આપેલ. સેવાભાવી યુવાનો દ્વારા વર્ષોવર્ષ દરેક હિન્દુ મુસ્લિમ તહેવાર નિમિતે ગરીબ પરિવારોની સાથે રહી તહેવારોની ઉજવણી કરે છે. અમારી આ સેવા ભગવત શ્રી નારાયણના ચરણો અમે સમર્પિત કરીયે છીએ. આજના આ વિતરણ કાર્ય માં આસિફ મેર, પૂંજો હુણ (રબારી),ભાવેશ તન્ના, વિજય પરમાર વગેરે યુવાનો જોડાયા હતા. તે પ્રસંગની તસ્વીર. (તસ્વીરઃ અતુલ ચગ)

(2:32 pm IST)
  • દિલ્હીમાં મસ્જિદમાં લાઉડસ્પીકરથી લોકોને પરેશાની :નેશનલ ગ્રીન ટ્રિયુબનલે કહ્યું આ ગંભીર અપરાધ : પોલીસે તુર્ત કાર્યવાહી કરવી જોઈએ : NGT પીઠે કહ્યું નાગરિકોને શાંતિપૂર્ણ પર્યાવરણનો બંધારણીય અધિકાર છે અને તેને નિર્ધારિત માપદંડથી વધુ ધ્વનિ પ્રદુષણ દંડનીય અપરાધ છે સાથોસાથ પોલીસને કહ્યું કે આવા સ્થળોની ઓળખ કરે અને ઉલ્લંઘનકર્તાઓ વિરુદ્ધ સખ્ત કાર્યવાહી માટે એક નિગરાની પ્રણાલી સ્થાપિત કરે access_time 12:21 am IST

  • બનાસકાંઠાના રામસણ ગામમાં વર્ષો પહેલાના ઋષિઓના શ્રાપના કારણે હોળી પ્રગટાવવામાં નથી આવતી : બનાસકાઠાંના રામસણ ગામે વર્ષો પહેલા ઋષિઓએ શ્રાપ આપ્યો હોવાની માન્યતાઃ હોળી પ્રગટાવે તો આખા ગામમાં લાગે છે આગ : યુવાનોએ હોળી પ્રગટાવવાના પ્રયત્નો કર્યા હતા પરંતુ આખા ગામમાં આગ લાગી ગઈ હતી : ચાર થી પાંચ વાર લાગી ચૂકી છે આગ : વડીલોના ડરના કારણે નથી પ્રગટાવાતી હોળી access_time 3:45 pm IST

  • સુરત : લસકાણા પાસેથી અમૃત નગર સોસાયટીમાંથી ઝડપાયું ડુપ્લીકેટ ગુટખાનું કારખાનું : પોલીસે દરોડા પાડીને 3 આરોપીની કરી ધરપકડ :રહેણાંક મકાનમાં ચાલતું હતું કારખાનું :પોલીસે મુદ્દામાલ જપ્ત કરીને કાર્યવાહી કરી. access_time 10:42 pm IST