Gujarati News

Gujarati News

News of Wednesday, 20th March 2019

કાલે ધૂળેટી પર્વ નિમિતે દ્વારકાના ટોબર ગામમાં અશ્વ તથા યુવકોની દોડનું ભવ્ય આયોજન

દ્વારકા તા. ર૦ : ટોબર ગામે આગામી તા.ર૧ને ગુરૂવારે ધૂળેટી પર્વના દિવસે બપોરે ૩-૩૦ કલાકથી શ્રી ક્ષત્રિય યુવા વાઘેર સમાજ દ્વારા ખેલ મહોત્સવ ર૦૧૯ અંતર્ગત યુવાનો માટે રેસ તેમજ અશ્વ દોડનું ભવ્ય આયોજન કરવામાં આવ્યું છે.

યુવાનો માટે ૮ થી ૧૧ વર્ષના રમતવીરો માટે ૪૦૦ મીટર દોડ, ૧ર થી ૧પ વર્ષના રમતવીરો માટે ૮૦૦ મીટર દોડ ૧૬ થી ર૩ વર્ષના રમતવીરો માટે ૧૬૦૦ મીટર દોડ ર૪ થી ૩ર વર્ષના રમતવીરો માટે ૧૬૦૦ મીટર દોડ તેમજ ૩૩ થી વધુ વર્ષના રમતવીરો માટે પણ ૧૬૦૦ મીટર દોડનું આયોજન કરાયું છે. આ સાથે અશ્વદોડનું પણ આયોજન કરવામાં આવ્યું છે.

સમગ્ર આયોજન કેર વિસાભા મુરૂભા, માણેક ખેતાભા ખીમાભા, માણેક શુકલભા, ધાંધાભા તથા એકસ આર્મીમેન માણેક રામસંગભા મુંજાભા તથા ટોબર ગ્રામજનો દ્વારા કરવામાં આવ્યું છ.ે

ઓખામંડળના ખેલપ્રેમીઓએ મોટી સંખ્યામાં ભાગ લેવા આયોજકો દ્વારા અનુરોધ કરાયો છે.(૬.૧ર)

(11:59 am IST)
  • ભાજપે લાત મારતા શત્રુઘ્ન કોંગ્રેસ ભેગા ? : બિહારના પટણા સાહિબની ટીકીટ ભાજપે કેન્દ્રીય પ્રધાનને ફાળવી દેતા લાંબા સમયથી ચાલી આવતી અટકળોનો હવે અંત આવી રહ્યો છે. મળતા નિર્દેશો મુજબ સુપ્રસિદ્ધ ફિલ્મ અભિનેતા અને ભાજપના હાલના સાંસદ શત્રુઘ્ન સિંહા કોંગ્રેસમાં જોડાઈ રહ્યા છે. સત્તાવાર જાહેરાત હવે ગમે તે ઘડીએ થશે. access_time 3:54 pm IST

  • બીજી સર્જીકલ સ્ટ્રાઈક આવી રહી છે?: જાણીતા ડેટા એનાલીસ્ટ જી. પ્રધાને તેમના એક ફોલોઅર રેણુકા જૈન - ચોકીદારના એક ટ્વીટનો જવાબ આપતા લખ્યુ છે કે 'અમે તેમને નિરાશ નહિં કરીએ.' રેણુકા જૈને લખ્યુ હતું કે રોજ હું સવારે ઉઠુ છુ ત્યારે શિવજી પ્રતિ મારો ભાવ પ્રગટ કરી સમાચારો જોવા લાગુ છું કે પાકિસ્તાન ઉપર બીજો હુમલો થયો કે નહિં? તેના જવાબમાં ડો.જી.પ્રધાને સુચક રીતે લખ્યુ છે કે ''અમે તમને નિરાશ નહિં કરીએ'' જેનો અર્થ એવો કઢાઈ રહ્યો છે કે આતંકીઓના છોતરા કાઢવા બીજી સર્જીકલ સ્ટ્રાઈક તોળાઈ રહી છે. access_time 11:28 am IST

  • દિલ્હીમાં દિવસનું આ મહિનાનું રેકર્ડ ૩૨ ડિગ્રી આસપાસ અને રાત્રે ૧૫II ડિગ્રી આસપાસ ઉષ્ણતામાન access_time 3:54 pm IST