Gujarati News

રાજકોટ, તા. ૨૦ :. ભાજપના સ્ટાર પ્રચારક કેન્દ્રીય મંત્રી શ્રી પરસોતમ રૂપાલા આવતીકાલે રવિવારે હવાઈ માર્ગે રાજકોટ અને મોરબી જિલ્લાના ઝંઝાવાતી ચૂંટણી પ્રવાસે આવી રહ્યા છે.

શ્રી રૂપાલા કાલે સવારે ૯.૩૦ વાગ્યે અમદાવાદથી રાજકોટ એરપોર્ટ પર પહોંચી સીધા પડધરી પહોંચશે, ત્યાં એસ્સાર પેટ્રોલ પંપ પાસે, પડધરી બાયપાસ પર ભાજપના તાલુકા કાર્યાલયનું ઉદ્ઘાટન કરી સભા સંબોધશે. ત્યાંથી રાજકોટ થઈને બપોરે ૩.૧૫ વાગ્યે હળવદ પહોંચશે. ત્યાં ટીકર ખાતે ૪ વાગ્યે સભા ગજાવશે. સાંજે ૫.૩૦ વાગ્યે મોરબી હેલીપેડ પર પહોંચશે. ૮.૩૦ વાગ્યે મોરબીના મહેન્દ્રનગરમાં જાહેરસભા સંબોધશે. તેમના કાર્યક્રમનની વધુ માહિતી માટે મો. ૮૪૬૯૫ ૮૮૫૮૮ ઉપર સંપર્ક સાધી શકાશે.