Gujarati News

Gujarati News

News of Saturday, 20th February 2021

કેશોદ તાલુકામાં ઘઉંનો પાક તૈયાર પોષણક્ષમ ભાવ ન મળતા ખેડૂતોમાં નિરાશા

(કિશોરભાઈ દેવાણી દ્વારા) કેશોદ,તા. ૨૦:  કેશોદ તાલુકામાં શિયાળુ પાક ઘઉનું મોટા ભાગના ખેડુતોએ વાવેતર કરેલ હતુ જે પાક તૈયાર થતાં ઘઉની કાપણીની કટરો શરૂઆત થઈ રહીછે ઘઉનો પાક તૈયાર થતાં ખેડુતો ઉપજની દ્રષ્ટીએ મન મનાવી તો રહયાછે પણ પોષણક્ષમ ભાવના અભાવે ખેડુતોમાં નિરાશા જોવા મળી રહી છે. પેટ્રોલ ડીઝલ રાંધણગેસ સહિતના મોટા ભાગની ચીજવસ્તુઓમાં દિન પ્રતિદિન ભાવમાં વધારો થતો જોવા મળે છે ત્યારે દ્યઉના ભાવમાં વધારો ન થતાં ખેડુતો નિરાશા અનુભવી રહયા છે.

ગત વર્ષે ઘઉના ઉત્પાદનની શરૂઆત સમયે પ્રતિ મણ ૩૧૫ થી ૩૭૦ સુધીના બજારભાવ રહ્યા હતા તેની સરખામણીએ આ વર્ષે ઘઉના ઉત્પાદનની શરૂઆતમાં ૩૫૦ જેટલો ભાવ જોવા મળી રહ્યો છે જે ગત વર્ષની સરખામણીએ ભાવ વધારો જોવા નથી મળ્યો ખેડુતોના માનવા પ્રમાણે ઘઉનો પ્રતીમણ ઓછામાં ઓછો ૪૦૦ રૂપીયા ભાવ મળી રહે તેવુ ખેડુતોમાં ચર્ચાઈ રહ્યું છે. એક બાજુ સરકાર ખેડુત સમૃદ્ઘ તો દેશ સમૃદ્ઘના નારા લગાવેછે તો બીજી તરફ ખેતી પ્રધાન ગણાતા દેશમાં ખેત ઉત્પાદનનોના પોષણક્ષમ ભાવ મળતા ન હોવાની ખેડુતો તરફથી ફરીયાદ થઈ રહેલછે. ત્યારે ખરેખર ખેડુતોને સમૃદ્ઘિ તરફ લઈ જવા હોય તો તમામ ખેત ઉત્પાદનોના પોષણક્ષમ ભાવ મળી રહે તોજ ખેડુત સમૃદ્ઘ બનશે સાથે દેશને સમૃદ્ઘ બનાવવામાં પણ સહભાગી થશે પણ વર્ષોથી ખેત ઉત્પાદન તૈયાર થાય ત્યારે ખેડુતોના એક જ પ્રશ્ન હોયછે પોષણક્ષમ ભાવ પણ કયારે મળશે તે જોવાનું રહ્યું.

(12:36 pm IST)
  • મોંઘવારીનો એકપછી એક માર : પેટ્રોલ- ડીઝલ બાદ CNG- PNGનાં ભાવમાં વધારો ઝીકાયો :અદાણી ગેસે કર્યો ભાવમાં વધારો : CNGનાં ભાવમાં 95 પૈસાનો વધારો કરાયો : PNGનાં ભાવમાં 1.29 રૂપિયાનો વધારો ઝીકાયો : ગુજરાતમાં CNGનાં 4 લાખ ગ્રાહકોને અસર: ગુજરાતમાં PNGનાં 10 લાખ ગ્રાહકોને વધશે ખર્ચ બોજ access_time 10:57 am IST

  • દેશમાં કોરોનાના ધીમીગતિએ વધતા કેસ :રાત્રે 11-30 વાગ્યા સુધીમાં કોરોનાના નવા 13,918 કેસ નોંધાયા :કુલ કેસની સંખ્યા 1,09,91,091 થઇ :એક્ટિવ કેસ 1,42,696 થયા: વધુ 11,410 દર્દીઓ સ્વસ્થ થતા કુલ 1,06,87,532 થયા :વધુ 89 લોકોના મોત સાથે કુલ મૃત્યુઆંક 1,56,339 થયા access_time 12:57 am IST

  • માર્ચથી સુપ્રીમ કોર્ટમાં પૂર્વવત કાર્યવાહી શરૂ: માર્ચ ૨૦૨૧થી સુપ્રીમ કોર્ટ ફીઝીકલ હિયરિંગ શરૂ કરી દેશે. access_time 7:55 pm IST