Gujarati News

Gujarati News

News of Wednesday, 20th January 2021

વિસાવદરના ડેપ્યુટી કલેકટર તુષાર જોષીની ભાવનગર બદલી

ભાટ ગામે ઘાટ તોડી પાડવાની સારી કામગીરીમાં શિરપાવને બદલે સજા થઇ હોવાની લોકમુખે ચર્ચા : પ્રજામાં છાને ખૂણે રોષ

(વિનુ જોશી દ્વારા) જુનાગઢ, તા. ર૦ વિસાવદમાં  ડેપ્યુટી કલેકટરશ્રી તુષાર જોશીની ડી-ગ્રેડ કરી ભાવનગર ડી.ડી.ઓ. તરીકે બદલી કરવામાં આવતા પ્રજામાં રોષ ફેલાયો છે.

ડે. કલેકટર તરીકે લોકચાહના મેળવનાર અને પ્રજાલક્ષી કામગીરી કરનાર યુવા પ્રાંત અધિકારી તુષાર જોશીની કામગીરીથી અમુક રાજકીય માણસોના ખુશ હોવાથી બદલી કરાવવા માટે મેદાનમાં હતાં અને તેઓ સફળ થયા હોવાનું લોકોમાં ચર્ચાય રહી છે.

અત્રે ઉલ્લેખનીય છે કે ભાટ ગામે ગેરકાયદેસર રીતે ધમધમતા સાડીના ઘાટને તોડી પાડનાર આ અધિકારીની બદલી કરી નાખવામાં આવી છે.

ત્યારે સારી કામગીરી કરનારને સિરપાવને બદલે સજા કરાતા અન્ય અધિકારીઓ અને પ્રજામાં છુપારોષ સાથે ગણગણાટ શરૂ થઇ ગયો છે.

ભેંસાણ તાલુકાના ભાટ ગામે ગેરકાયદેસર રીતે સાડી ધોલાઇના ઘાટ ધમધમતા હતાં આ ઘટનાને કારણે ઉબેણ ઓઝત અને ભાદર નદીનું પાણી પ્રદુષિત થઇ ગયું હતું ત્યારે ખેડુતોની વ્યાજબી રજુઆત બાદ નદીના લાલ પાણી ભેળવનાર ઘાટને વિસાવદરના ડેપ્યુટી કલેકટર શ્રી તુષાર જોશીએ તોડી પાડયા હતાં.

જો કે ત્યારબાદ જેતપુર ડાઇંગ ઉદ્યોગોના મહારથીઓએ છેક ઉચ્ચ સુધી છેડા લગાવી ડેપ્યુટી કલેકટર ભાવનગર ખાતે ડીગ્રેડ કરી ડેપ્યુટી ડી.ડી.ઓ.માં આવતા અન્ય અધિકારીઓમાં ચર્ચા જાગી છે. આમ લાલ પાણી મેળવી નદીને પ્રદુષિત કરનારી ઉદ્યોગલોબીએ રાજકીય તાકાત બતાવી હોઇ સારી કામગીરી કરનાર વિસાવદરના પ્રાંત અધિકારીને સિરપાવને બદલે સજા મળી હોવાનું લોકોમાં ચર્ચાય રહ્યું છે. પ્રજામાં છાને ખૂણે રોષ જોવા મળી રહ્યો છે.

(11:51 am IST)
  • ' ખેતી કા ખૂન ' : કોંગ્રેસના પૂર્વ અધ્યક્ષ રાહુલ ગાંધીએ બુકલેટ લોન્ચ કરી : નવા કૃષિ કાનૂનથી સમગ્ર દેશની ખેતી ઉપર ચારથી પાંચ કોર્પોરેટ ક્ષેત્રોનો કબજો આવી જશે : પત્રકાર પરિષદમાં સંબોધન કર્યું access_time 8:58 pm IST

  • કોગ્રેસની વકૅ કમીટીની બેઠક ૨૨ જાન્યુઆરીએ ઈન્ટરનેટ થ્રુ મળશે access_time 5:34 pm IST

  • આઇપીએલમાં હરભજન ચેન્નાઇ તરફથી રમતો જોવા નહિ મળે : ભજજીએ ટવીટ કરી જાણકારી આપી કે ચેન્નાઇ સાથે મારો કરાર પૂર્ણ થઇ ગયો છે. આ ટીમ માટે રમવુ એક સુખદ અનુભવ હતો. હું એ યાદગાર પણ હમેંશા યાદ રાખીશ ચેન્નાઇ સુપર કીંગ્સનું મેનેજમેન્ટ સ્ટાફ અને ફેન્સનો આભાર access_time 4:03 pm IST