Gujarati News

Gujarati News

News of Wednesday, 20th January 2021

હળવદઃ 'જોગણી માં' પ્રીમિયર લીગમાં ઉમિયા ચેલેન્જર્સને ૧૩ રને હરાવી જય માતાજી ટીમ વિજેતા

(દીપક જાની દ્વારા) હળવદ, તા.૨૦: શહેરમાં આવેલ જોગણી માંના મંદિર સામે હળવદ એચ.પી.એલ. ગ્રુપના સહયોગથી પ્રિમિયર લીગ-૨૦૨૧નું આયોજન કરવામાં આવ્યું હતું. આ ક્રિકેટ ટુર્નામેન્ટ ૬ દિવસ ચાલી હતી. જેમાં હળવદની જુદી-જુદી ૧૦ ટીમોએ ભાગ લીધો હતો. જેમાં ફાઇનલ મેચ જય માતાજી અને ઉમીયા ચેલેન્જર્સ વચ્ચે રમાઈ હતી. જેમાં જય માતાજી ટીમનો ૧૩ રને ઝળહળતો વિજય થયો હતો.

ઘણા લાંબા સમય બાદ હળવદ ની ક્રિકેટ પ્રેમી જનતા માટે ડે ક્રિકેટ ટુર્નામેન્ટ હળવદ-ધાંગધ્રા રોડ પર આવેલ જોગણી માંના મંદિર સામે જોગણી માં પ્રિમિયર લીગ-૨૦૨૧નું આયોજન કરવામાં આવ્યું હતું. ૬ દિવસ રમાયેલ ક્રિકેટ ટુર્નામેન્ટમાં હળવદ શહેર અને ગ્રામ્ય વિસ્તારની જુદી-જુદી ૧૦ ટીમોએ ભાગ લીધો હતો. જયારે ફાઇનલમાં જય માતાજી અને ઉમિયા ચેલેન્જર્સ ટીમ સામસામે ટકરાઈ હતી. જેમાં ટોસ જીતી જય માતાજી ટીમે પ્રથમ બેટિંગ કરી ઉમિયા ચેલેન્જર્સને ૭૧ રનનો ટાર્ગેટ આપ્યો હતો. જેમાં ઉમિયા ચેલેન્જર્સ ૫૮ રન જ બનાવી શકતા ટીમ ૧૩ રને હારી ગઇ હતી. વિજેતા થયેલ જય માતાજી ટીમને ૨૫ હજારનું રોકડ પુરસ્કાર અને ટ્રોફી આપવામાં આવી હતી. તેમજ જય માતાજી ટીમના ખેલાડીઓ દ્વારા જીત હાંસલ કરવા બદલ ટીમના માલિક એ તમામને અભિનંદન આપ્યા હતા.

અત્રે ઉલ્લેખનીય છે કે જય માતાજી ટીમમાં દિનેશ ભરવાડે સરસ પ્રદર્શન કર્યું હતું. સાથે જ વિવેક પ્રજાપતી ને કલાસીસ બેસ્ટમેન, પ્રકાશ વાદ્યેલા કેપ્ટન અને કિશોર વૈષ્ણવ ને ફાઇનલ મેચમાં ૧૬ રન આપી મહત્વની ચાર વિકેટ ઝડપીને મેન ઓફ ધ મેચનો એવોર્ડ પ્રાપ્ત કર્યો હતો. હિતેશ સિંધવએ ૨૭ રન બનાવ્યા હતા, તે જય માતાજી ટીમ માટે ખૂબ મહત્વના રહ્યા હતા. ટુર્નામેન્ટ ની રનિંગ કોમેન્ટ્રી દિનેશ મકવાણા (સરપંચ ) એ આપી ને ભારે આકર્ષણ જમાવ્યું હતું.

(11:46 am IST)
  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST

  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,566 કેસ નોંધાયા :કુલ કેસની સંખ્યા 1,05,96,228 થઇ :એક્ટિવ કેસ 1,94,247 થયા: વધુ 16,976 દર્દીઓ સ્વસ્થ થતા કુલ 1,02,44,839 થયા :વધુ 154 લોકોના મોત સાથે કુલ મૃત્યુઆંક 1,52,747 થયા access_time 1:03 am IST