Gujarati News

Gujarati News

News of Wednesday, 20th January 2021

હળવદમાં આશા બહેનોએ વિવિધ માંગણીઓને લઈને મામલતદારને આવેદનપત્ર

 (દીપક જાની દ્વારા)શહેર અને તાલુકાની આશા બહેનોએ પોતાની વિવિધ માંગણીઓને લઈ હળવદ મામલતદાર અને તાલુકા હેલ્થ ઓફિસરને આવેદનપત્ર આપી ૩૧ જાન્યુઆરી સુધીમાં તેઓની માંગ સંતોષવામાં નહીં આવે તો હડતાલ ઉપર ઉતરી જવાની ચીમકી ઉચ્ચારવામાં આવી છે. આશા બહેનોએ પગાર વધારો અને ઈન્સેન્ટીવ પ્રથા બંધ કરી કાયમી કરવા માટે રજૂઆતમાં જણાવ્યું છે.

આરોગ્ય અને તબીબી સેવાઓ માટે શહેરી વિસ્તાર તેમજ ગ્રામ્ય વિસ્તારોમાં ઘરે-ઘરે જઈ આશા બહેનો અને ફેસીલીટેટર બહેનો દ્વારા લોકોમાં આરોગ્ય પ્રત્યે જાગૃતિ આવે તેમજ વિવિધ આરોગ્યલક્ષી કામગીરી કરવામાં આવતી હોય છે. આશા બહેનોને હાલ ૨૦૦૦થી ૩૦૦૦ સુધીનુ ઈન્સેન્ટીવ આપવામાં આવે છે. જેથી, હાલની આ કાળઝાળ મોંઘવારીમાં આશા બહેનોને હાલ જે મહેનતાણું મળી રહ્યુ છે. તેમાં તેઓનું ઘર ચલાવવું અશક્ય હોય. જેથી, ફિકસ પગાર આપવામાં આવે અને કાયમી કરવામાં આવે તેવી માંગ સાથે હળવદ મામલતદાર અને તાલુકા હેલ્થ ઓફિસરને લેખિતમાં રજૂઆત કરવામાં આવી હતી. સાથે ચિમકી પણ ઉચ્ચારવામાં આવી છે કે ૩૧ જાન્યુઆરી સુધીમાં માંગ સંતોષવામાં નહીં આવે તો હડતાલ ઉપર ઉતરીશું અને કોરોનાની વેકસીન પણ ન લેવાની ચીમકી ઉચ્ચારી છે.

શું કહે છે તાલુકા હેલ્થ ઓફિસર

આ અંગે હળવદ તાલુકા હેલ્થ ઓફિસર ડો. ભાવીનભાઈ ભટ્ટીએ જણાવ્યું હતું કે હાલ હળવદમા ૧૬૩ આશા બહેનો છે અને ૧૨ આશા ફેસિલિટેટર છે. જેમાંથી કેટલીક આશા બહેનો દ્વારા આવેદનપત્ર આપવામાં આવ્યું છે. તેમજ ઉપરી અધિકારીને મોકલી આપવામાં આવ્યું છે.

(11:43 am IST)
  • ૨૦ જાન્યુઆરીએ બાઇડેન અમેરિકાના રાષ્ટ્રપતિ પદે તથા કમલા હેરિસ ઉપરાષ્ટ્રપતિ પદે શપથ લેશે. અમૃતસરના ચિત્રકાર જગજોતસિંહ રૂબાલે આ બન્ને મહાનુભાવોના ચિત્રો તૈયાર કર્યા હતા. સાથે સાથે તેમણે અમેરિકાના શરૂઆતથી આજ સુધીના રાષ્ટ્રપતિના ચહેરા પણ કળાત્મક રીતે દોર્યા હતા. access_time 10:16 am IST

  • તાંડવના નિર્માતા અને કલાકારો વિરૂદ્ધ મુંબઈના ઘાટકોપરમાં એફઆઈઆર દાખલ : મુંબઈના ઘાટકોપર પોલીસ સ્ટેશનમા તાંડવ વેબસીરીઝના નિર્માતાઓ અને કલાકારો વિરૂદ્ધ આઈપીસી કલમ ૧૫૩-એ, ૨૯૫-એ અને ૫૦૫-૨ હેઠળ એફઆઈઆર નોંધવામાં આવી છે access_time 5:09 pm IST

  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST