Gujarati News

Gujarati News

News of Tuesday, 19th November 2019

રાવલ શહેર ભાજપના પ્રમુખપદે થાનકી મહામંત્રી તરીકે જમોડની વરણી

રાવલ, તા.૧૯: રાવલ શહેર ભાજપના હોદેદારોની ટર્મ પુરી થતાં જીલ્લા ભાજપ મારફત રાવલ શહેર ભાજપના નવા હોદેદારોની વરણી કરવા માટે હર્ષદ મુકામે કીરીટસિંહ રાણા, જેમીન ઉપાધ્યાય, પ્રદિપભાઇ ખીમાણી, મુળુભાઇ બેરા, પબુભા માણેક, તથા વિરપાળભાઇ ગઢવીની ઉપસ્થિતિમાં જીલ્લા ભાજપ પ્રમુખ કાળુભાઇ ચાવડાના અધ્યક્ષ સ્થાને બેઠક મળી હતી, જેમાં રાવલ શહેર ભાજપના પ્રમુખ તરીકે રસીકભાઇ હરીભાઇ થાનકી, તથા મહામંત્રી તરીકે રાણાભાઇ રામશીભાઇ જમોડની વરણી કરવામાં આવી હતી.

રાવલમાં નગરપાલિકામાં પ્રમુખ તથા ઉપ-પ્રમુખ સ્થાને કોળી સમાજના કાર્યકરોની વરણી થયેલ છે, જયારે કારોબારી સમિતિના અધ્યક્ષ સ્થાને પણ કોળી સમાજમાંથી કોઇ કાર્યકર્તાની વરણી કરવાની હોવાનું જાણવા મળેલ છે, તેથી જ્ઞાતિ બેલેન્સ સબબ રાવલ શહેર ભાજપના પ્રમુખ તરીકે બ્રાહ્મણ જ્ઞાતિના કાર્યકરની વરણી કરવામાં આવેલ હોવાનું અને મહામંત્રી તરીકે કોળી સમાજના કાર્યકરની વરણી કરવામાં આવેલ હોવાનું જાણવા મળેલ છે.

આ બેઠકમાં શ્રી ખીમાભાઇ ભોચિયા, શ્રી વાલાભાઇ પરમાર, રાવલ શહેર ભાજપ પૂર્વ મહામંત્રી શ્રી કેતનભાઇ બુધ્ધભટ્ટી, શ્રી પ્રફુલભાઇ કોટેચા, રાવલ નગરપાલિકાના સદશ્યો તથા કાર્યકર્તાઓએ હોદેદારોનેે આવકાર્યા હતા.

(11:37 am IST)
  • હું 50 વર્ષની થતા સબરીમાલા આવીશ : 9 વર્ષની બાળકીએ તખ્તી પર લખ્યો સંદેશ : સબરીમાલા મંદિરમાં પહોંચેલી બાળકીએ મેસેજ આપ્યો : કેરળમાં સબરીમાલા મંદિર જતી વેળાએ 9 વર્ષની બાળકીએ ગળામાં લટકતી તખ્તીમાં લખેલ સંદેશે સૌનું ધ્યાન ખેંચ્યું access_time 1:18 am IST

  • મુંબઈના મેયર તથા ડેપ્યુટી મેયર તરીકે શિવસેનાના ઉમેદવારો બિનહરીફ : ઉમેદવારી પત્રક ભરવાની આજ 18 નવેમ્બરના રોજ છેલ્લી તારીખે કોંગ્રેસ અને " NCP એ માર્ગ મોકળો કરી આપ્યો : બંનેમાંથી કોઈપણ પક્ષના ઉમેદવારે ફોર્મ ન ભર્યું access_time 8:25 pm IST

  • સ્વાતંત્ર્ય સેનાની વીર સાવરકરને " ભારત રત્ન " ખિતાબ આપવા માટે કોઈની ભલામણની જરૂર નથી : અમે સત્તા ઉપર આવશું તો વીર સાવરકરને ભારત રત્ન ખિતાબથી નવાજશું : મહારાષ્ટ્રમાં ચૂંટણી સમયે ભાજપે કરેલી ઘોષણાં બાદ સત્તા નહીં મળતા સંસદમાં જવાબ access_time 8:22 pm IST