Gujarati News

Gujarati News

News of Monday, 18th November 2019

મોરબીના સામાકાંઠે ફાયર સ્ટેશન બનાવો : જિલ્લા સંકલન સમિતિની બેઠકમાં ધારાસભ્ય બ્રિજેશ મેરજાએ માંગ ઉઠાવી

ઘૂટું ખાતે સંપ બનાવવા, ધરમપુરનો જુનો બંધ થયેલો બસ રૂટ પુનઃ ચાલુ કરવા સહિતના પ્રશ્ને રજૂઆત

 

મોરબી જીલ્લા કલેકટરના અધ્યક્ષસ્થાને તાજેતરમાં જીલ્લા સંકલન સમિતિની બેઠક મળી હતી જે બેઠકમાં મોરબીના ધારાસભ્યે સામાકાંઠે ફાયર સ્ટેશન બનાવવા માટેની માંગ કરી છે

મોરબીના ધારાસભ્ય બ્રિજેશ મેરજાએ સંકલન સમિતિની બેઠક પૂર્વે આગોતરા પ્રશ્નો મોકલીને માંગણી કરી હતી કે મોરબીના સામાકાંઠાનો ઉતરોતર વધી રહેલો વિકાસ તેમજ સિરામિક ફેકટરીઓને ધ્યાને લેતા સામાકાંઠે ફાયર સ્ટેશન હોવું જોઈએ જેથી ઈમરજન્સીમાં આગ જેવા બનાવો બને ત્યારે અગ્નિશામક સુવિધા વિસ્તારના રહીશોને તાત્કાલિક મળી સકે તે ઉપરાંત નર્મદાની પાવળીયારી કેનાલ જીવાપર પાસે રીપેરીંગ કરવા, ટીંબડી ગામને નર્મદાની સિચાઈનું પાણી મળે તે માટે ઘૂટું ખાતે સંપ બનાવવા, ધરમપુરનો જુનો બંધ થયેલો બસ રૂટ પુનઃ ચાલુ કરવા, મોરબી-બગસરા વાયા નાના ભેલા બસ રૂટની અનિયમિતતા દુર કરી અગાઉના સમય મુજબ નિયમિત બસ સુવિધા ચાલુ રહે તેમ કરવાની માંગ કરી છે

વધુમાં જણાવ્યું છે કે મોરબી શહેરના માધાપર, વાવડી રોડ, ગાંધી ચોક રોડ પરના ખાડા પૂરી રીપેર કરવા, રેલ્વે સ્ટેશનથી પરશુરામ ધામ જતા રસ્તામાં પીવાના પાણીની પાઈપલાઈન નાખવાની કામગીરી પાણી પુરવઠા બોર્ડ અને માર્ગ મકાન વચ્ચે સંકલન કરીને તાકીદે કામ પૂરું કરવા, માળિયા ખાતે તાલુકા પંચાયત, મામલતદાર કચેરી અને વિશ્રામ ગૃહ જેવી સુવિધા સાથે નવું તાલુકા સેવા સદન બાંધવા માંગણી અરી હતી

તેમજ માળિયા શહેરની ડ્રેનેજની મંથર કામગીરી અંગે પાણી પુરવઠા બોર્ડના કાર્યપાલક ઈજનેર, નગરપાલિકાના ચીફ ઓફિસર તેમજ પ્રમુખ સાથે અધિક કલેકટર ના પરામર્શમાં મુદે ઝડપી કામગીરી કરવા ધારાસભ્યે સંબંધિત અધિકારીઓને તાકીદ કરી હતી અને માળિયા નગરપાલિકાના ૨૧ જેટલા રસ્તાઓની તાંત્રિક મંજુરી આપવા માંગણી કરી હતી

(12:46 am IST)
  • રિલાયન્સ જીઓએ આજે જાહેર કર્યું છે કે આગામી થોડા અઠવાડિયામાં જ મોબાઈલ ફોનના દરોમાં વધારો કરશે access_time 9:59 pm IST

  • કોંગ્રેસના કાર્યોને લોકોએ મહોર મારી રાજસ્થાનમાં સ્થાનિક સ્વરાજયની ચૂંટણીઓમાં કોંગ્રેસને ભવ્ય વિજય મેળવ્યો છે તેને મુખ્યમંત્રી અશોક ગેહલોતે કોંગ્રેસ સરકારના કાર્યને લોકોએ આપેલ લોક ચુકાદા તરીકે ગણાવ્યો છે access_time 6:06 pm IST

  • અખિલેશ સાથે હાથ મિલાવવા તૈયાર : શિવપાલ : ૨૦૨૨માં અખિલેશ યાદવની સાથે ચુંટણી લડવા તૈયારઃ અખિલેશ બનશે મુખ્યમંત્રી : સમાજવાદી પક્ષના ગઢ ઇટાવામાં શિવપાલ યાદવે મોટું નિવેદન આપ્યું છે. પ્રગતિશીલ સમાજવાદી પક્ષ બનાવનાર શિવપાલ યાદવે કહ્યું કે તેઓ સપા સાથે ગઠબંધન કરવા ઇચ્છે છે અને તેઓ પરિવારમાં એકતા સ્થાપવા ઇચ્છે છે.( access_time 3:56 pm IST