Gujarati News

રાજકોટ, તા., ૧૯: ભાજપમાં જોડાયેલા કુંવરજીભાઇ બાવળીયાએ જસદણ બેઠક ઉપરથી રાજીનામું આપ્યા બાદ આ ખાલી પડેલી જસદણ પેટા બેઠકની ચુંટણી, ચુંટણી પંચ ૧૦ ડીસેમ્બર આસપાસ કરવા જઇ રહયાનું કલેકટર કચેરીના ટોચના સુત્રોમાંથી આજે જાણવા મળ્યું હતું.

આ સાધનોએ ઉમેર્યુ હતું કે સંભવત ૧૦ ડીસેમ્બરે ચુંટણી પંચ ચુંટણી યોજી ૧ર મી ડીસેમ્બરે મતગણત્રી રાખે તેવી શકયતા છે. કલેકટર તંત્રે તૈયારીઓ શરૂ કરી છે. ૧ર૦૦નો સ્ટાફના ઓર્ડરો, સંદર્ભે તથા રપ૬ જેટલા મતદાન મથકો ચેક કરવા અંગે કાર્યવાહી થશે. ચુંટણીમાં ઇવીએમ અને વીવીપેટનો ઉપયોગ થશે. અંદાજે સવા બે લાખ આસપાસ મતદારો હોવાનું સુત્રો ઉમેરી રહયા છે.